It(em) hoe wale dat de mo(m)boe(re)n vanden godshuyse vanden xii/ ap(oste)len binnen loven staende ten besorge en(de) regemente vand(er)/ stat bij consente en(de) ov(er)drage vander selv(er) stad v(er)cocht hebben/ en(de) laten afquiten drie oude cronen een mudde rox en(de) een ame/ wijns erflijc vanden renten die peter wilen heyme tot/ den selve(n) huyse gelaten hadde d(air) af de pe(n)ningen bekeert/ sijn in rep(ar)atien vander capellen des selfs huys nuwelinghe/ gemaect Soe es nochtan ten besorge vanden voirs(creven) huyse/ biden raide vand(er) stad die negheensins gedoegen en soude/ willen dat tvoirs(creven) godshuys in sijnen erfrenten v(er)mindert/ bleve op den [dach] van heden ov(er)dragen o(m)me de voirs(creven) renten wed(er)/ gecocht te mogen worden dat de renten vande(n) selven/ huyse van desen daige voirtaen vallen(de) biden momboe(re)n ten/ tijde zijnde bekeert selen worden inder manie(re)n hier na/ volgende Te weten terdendeel vanden selve(n) renten ind(er)/ refectien vand(er) capellen en(de) and(er)sins aen tselve huyse dand(er)/ derdendeel tot behoef der godsdiensten en(de) nootdorsten der/ armer inden selve(n) huyse en(de) dleste derdendeel sal biden/ selve(n) momboe(re)n aengeleeght worden in erfrenten tot dat/ zij tot behoef des voirs(creven) godsh(uys) weder gecregen selen hebben en(de)/ gecocht alsoe vele renten alse voir gescreve(n) staen en(de)/ afgequijdt sijn act(um) in pleno consilio febr(uarii) t(ertia)