Tvo(n)nisse tusschen pete(re)n cornelijs in deen zijde en(de) pete(re)n/ de slege(re) geheten vanden wijngarde in dande(re) alse/ vand(er) pechtingen en(de) hueringen van (½) boende(r) lants en(de) iii/ dachmael beemts omtrent assche gelegen de welke/ de voirs(creven) peter cornelijs tegen den aelmoisenier van hafflige(m)/ in pechtinge genomen hadde vande(n) jae(r) van xxxv xii/ jair d(air) na v(er)volgen(de) d(air) af de voirs(creven) peter de slege(re)/ de ettingen en(de) vruchten vande(n) voirs(creven) goede(n) van eene(n)/ jae(r) aenveert hadde was gewijst met desen worden/ dat den voirs(creven) pete(re)n cornelijs sijn voirs(creven) pechtinge volgen/ sal en(de) dat de voirs(creven) pete(r) de slege(re) gehouden sal sijn/ vand(er) voirs(creven) vruchten en(de) ettingen den voirs(creven) pete(re)n cornelijs/ restitucie te doen t(er) taxacien van goede(n) ma(n)nen p(rese)nt(ibus)/ pynnoc rijke witte ov(er)wynge vynck(enbosch) lynt(er) iunior/ ja(nuarii) penult(ima)