Van willem(me) van beke/ Tvo(n)nisse tusschen willem(me) van beke man en(de) mo(m)boir katlijne(n) sijns/ wijfs weduwe jans wilen hogelinc in deen zijde en(de) willem(me)/ van bouler die voirmaels borge bleve(n) was des voirs(creven) wilen/ jans hogelinx van ond(er)halve(n) mudde rox lijfpensien d(air) af deen/ half mudde ongequijdt es aen gheerde qua(n)telaert ende/ t(er) lossingen oft ontheffingen van dien geleit es tot den goede(n)/ des voirs(creven) willems van beke in dande(re) alse van allen/ den brieve(n) en(de) beleyde(n) [en(de) oic goeden] die de voirs(creven) willem van bouler/ ond(er) hadde oft spreken(de) op janne hogelinc oft op den/ voirs(creven) willem(me) van beke die de selve willem van beke/ meynde vande(n) voirs(creven) willem(me) van bouler over te hebben/ op alsoe dat de kinde(re) des voirs(creven) jans wilen hogelinx den/ voirs(creven) willem(me) van bouler vestich(eit) doen souden op hue(r) goeden/ vande(n) voirs(creven) halve(n) mudde rox co(m)merloes te houden tot/ dat afgequijdt souden worden en(de) dat de voirs(creven) willem van/ beke sijns wijfs leefdage lanc oft ongequete(n) bleve den/ pacht betalen soude en(de) oic willem(me) van bouler geve(n) (½)/ mudde rox en(de) x stuv(er)s eens welke poente(n) de voirs(creven)/ willem van bouler toegeseeght hadde voir den borg(er)meest(er)/ vand(er) stad gelijc hij openbairlijc thoende was gewijst in/ ald(er) vuegen voir v(er)claert Was gewijst met desen worde(n)/ dat de voirs(creven) p(ar)tien malcande(re)n sele(n) voldoen na dat de/ wairh(eit) gedragen hadde op de p(rese)ntatie des voirs(creven) willems/ vand(er) beke p(rese)nt(ibus) rijke witte ov(er)wynge vynck(enbosch) lyntre/ iu(n)iore junii p(ri)ma