It(em) want de so(m)me van ii[c] en(de) l rijders voirscr(even) come(n)/ voir dafquijten en(de) dlossen vand(er) xxv [helcht van vijftich] mudden tarwen/ die de voirs(creven) lae jouffr(ouwe) adde hue(r) leefdage lang/ hadde op alle de goede gebleve(n) na doede des/voirs jans wilen lanet huers voirma(n) soe/ is vorw(er)de datm metten selve(n) gelde dat come(n)/ sal en(de) gesedt worden ind(er) stat wissel gecocht/ selen werden lijfrenten ten live des voirs(creven) lancelots/ en(de) jouffr(ouwe) adden of aen erfrente(n) op dat/ hen beyden same(n)tlic geliefde also dat de/ vors(creven) jouffr(ouwe) adde oft te lijftochten worden gestelt/ die hue(re)n leefdach hebbe(n) sal en(de) oft inden/ gevalle dat die so(m)me aen erfelich(eit) worde gestelt/ dat dan de lanxte van hen beyden levende/ die hebben en(de) dan gaen deen helcht ae ten/ erfgename(n) des voirs(creven) lancelots en(de) dand(er) d(er) vors(creven)/ jouffr(ouwe) adden of d(air) elc van hen dat ordine(re)n sal/ en(de) soe welken tijt de voirs(creven) jan bieswael de/ voirs(creven) so(m)me van geluften voldaen sal hebben sele(n) de/ vors(creven) lancelots en(de) jouffr(ouwe) adde den voirs(creven) ja(n)ne bieswael quitan(cie) geven of guedinge doen t(er) ordinan(cien)/ vand(er) clerken? vand(er) stat sond(er) hen te verloven/ van wairscape of anderssins vande(n) goeden die/ janne bieswael in sijn deilinge gevallen sijn/ jegen janne gadaf janne en(de) reyne(re)n robijn/ den viii[t(en)] dach va(n) januar(ii) int jair xiiii[c] xx xlii/ behoudelijc de(n) poente(n) inden seggen begrepen dat/ gemaect was voir scepen(en) van loven(e) tusscen jouffr(ouwe)/ marien weduwe lanets wilen bieswael en(de) jouffr(ouwe)/ adden d(air) af de dwelc de en(de) oic de(n) iii mudden
//
corens erflic opte goede peters del motte d(air)/ af de voirs(creven) jan bieswael geloften va(n) consente/ heeft gedaen die den vors(creven) lancelot en(de) jouffr(ouwe)/ adden te laten volgen behoirlic oic dien dat de/ voirs(creven) jan bieswael den vors(creven) lancelot en(de) sijne(n)/ wive vesticheit doe te bet(alen) de helcht vanden/ co(m)me(r) uut allen den husen inde proesstrate gaen(de)/ also dat thuys geheten den hane maer deen/ helcht [vanden co(m)me(r)] dragen en sal der vors(creven) jouffr(ouwe) adden/ leefdage lang en(de) desgelijx de tsijse en(de) co(m)me(r)/ uut den goede gaen(de) ind(er) vors(creven) deilingen begrepen/ die janne byeswael gevallen sijn also dat/ lancelot aen sijn helcht d(air) voe(r) niet gepraemt/ en worde insgelijx sal de vors(creven) lancelot vand(er)/ and(er) helcht de goede des voirs(creven) jans lossen/ en(de) om te meerd(er) sekerheit dat de vors(creven) saken/ stat grijpen selen selen se de vors(creven) lancelot/ in deen zijde en(de) jan bieswael in dande(re)/ bringen te hue(re)r wet alle brieve dienen(de) tot/ der erfelich(eit) des voirs(creven) jans ond(er) de stat/ om die ald(air) te blijve(n) tot dat de saken gesciet/ selen wesen en(de) dat gedaen salme(n) janne/ sijn brieve van sijnre erfelich(eit) ov(er) geve(n) ten wa(r)e/ dat e(n)nige wa(r)en tot hue(re)r beid(er) goede dienen(de)/ dat die te hue(re)r beyd(er) behoef ond(er) de stat/ blive(n) selen en(de) soe wa(n)neer voe(r) den voirs(creven) tijt va(n)/ kersmisse de voirs(creven) jan van sijne(n) goeden vercoepen sal/ willen d(air) inne sal lancelot consente(re)n en(de) doen des/ in hem is behoirden dat hen zijn d(eniere) t(er) so(m)men/ toe vors(creven) d(air) af volgen cor(am) eisd(em)