Wij mychiel absoloens en(de) wout(er) ca(pelle)[ma(n)] scepen(en) te loeven(en) doen cond/allen [de(n) gene(n) die dese(n) brief l(ette)ren selen zien of hoere(n) lese(n)] lude(n) dat voir ons come(n) sijn jan vand(er) brugge(n) lod(ewijc) va(n) hortbeke/jan keld(er)ma(n) en(de) wille(m) de beer der stad gezwore(n) meester werclude/en(de) hebbe(n) eendrechtichlijc hue(re) von(n)islijke uutsprake gedaen opte/gescille(n) die gepordt ware(n) tusscen lod(ewijcke) de(n) rijke(n) in deen zijde en(de)/petere(n) yrpain in dande(re) alse van letsele dat de voirs(creven) lod(ewijc) meynde/dat de voirs(creven) pet(er) hem dede aen sijn huyse gelege(n) inde hevelstrate/met dat hij he(m) sijn liecht bety(m)mert hadde en(de) een messie te/na de(n) huyse(n) des voirs(creven) lod(ewijcke) gemaect Va(n) welke(n) stote sij hen inde/voirs(creven) stadmeeste(re)n voir scepen(en) va(n) loeven(en) in beyde(n) zijde(n) v(er)bondt/hadden ind(er) vorme(n) en(de) maniere(n) h(ier) na besc(reven) ende verclaert/om de selve uutsprake binne(n) eenre maent naestcomen(de) voldaen/te worde(n) en(de) also in toecomende(n) tide(n) [tot ewige(n) dagen] ond(er)houde(n) te zijne inde(n) yerste(n)/dat de voirs(creven) peter yrpain tsomerhuys ende thuys d(aer) des voirs(creven) pet(er)s/watersteen inne leeght dat hij ald(aer) heeft doen make(n) op de zijde te(n) goede(n)/w(er)t lodewijcx rijke(n) sal v(er)andere(n) en(de) doen h(er)make(n) in deser vuege(n) te/wete(n) dat de kep(er)s vande(n) selve(n) huyse selen worde(n) gekeert ende ligge(n)/doverste eynde met huere(n) corte(n) poten op de worme(n) d(aer) dned(er)ste/eynde vande(n) selve(n) kep(er)s op tsomerhuys nu leeght en(de) dat dned(er)ste/eynde vande(n) voirs(creven) kep(er)s sal come(n) rustende op de plate liggende(n) op/den muer vande(n) selve(n) somerhuyse ten goede(n) w(er)t des voirs(creven) lod(ewijcke)/also dat van voe(re) tot achter te(n) goede(n) w(er)t des voirs(creven) lod(ewijcke) gelijc dakende/dwater vande(n) selve(n) huyse(n) en(de) desgelijcx van lodewijcx huysen sal/sijne(n) nederval hebben inde ghote tussce(n) huer beyder goede aldair/liggende It(em) es noch hen uutsprake dat de voirs(creven) peter op sijn/erve binne(n) seve(n) voete(n) na den goede(n) des voirs(creven) lod(ewijcke) gheenrehande/vuylicheit van meste legge(n) noch houde(n) en sal dan alleene/droech perdemest Des torconde(n) hebbe(n) wij scepen(en) voirs(creven) onsr/segele(n) hier aen doen hange(n) de(n) xxv[te(n)] dach va(n) junio