SAL7340, Akte: R°229.1-V°230.1 (292 van 483)
Akte R°229.1-V°230.1
Act
Taal: Nederlands
Transcriptie
2012-01-11 door Dirk De WeverVande(n) he(re)n van s(in)t jans te luydeck en(de) reynnar ruttar
//
Op de gescillen van gebreke die reynnar de ruttar met gescrifte/den raide vander stad ov(er)gegeve(n) heeft jege(n) de(n) he(re)n d(er) cap(itte)len van/sinte jans te luedeck hier na v(er)claert die de selve reynnar meynde/datme(n) hem sculdich ware te restituere(n) op dat hij navolgende der/t(er)minacie(n) vander stad tussce(n) hem ende de voirs(creven) he(re)n vand(er) cap(itte)len/gedaen xix dage in nove(m)br(i) lestlede(n) vander pechtinge(n) der selver/cap(itte)len sceyde(n) soude en(de) zijn leste jaer d(aer) af maken te merte/naestcomende vande(n) welken de voirs(creven) heeren in sdeels meynde(n) /ongelast te wesen ov(er)gevende oec alrehande gebreke d(aer) af zij/oec meynde(n) vande(n) voirs(creven) reynnarde gericht te zijne heeft/de raet vander stad gevisenteert de voirs(creven) t(er)minacie insgelijcx de/bewijssenisse die de voirs(creven) reynnart heeft gedaen vande(n) coste(n)/hem bijde(n) lude(n) van wapene(n) om d(er) goede(n) wille der voirs(creven)/heere(n) toegevuechtmet g Es oec aengehoirt des elc vande(n)/voirs(creven) p(ar)tien anderssins met gescrifte en(de) oec met goede(n) ma(n)ne(n)/eertwynne(n) die zij hadden genomen hebbe(n) [heeft] wille(n) seggen oft/bijbringe(n) Begherende d(aer)enteynde(n) dat sij bij den raide vand(er)/stad geslete(n) mochte(n) worde(n) soe heeft de selve raet/met goed(er) deliberacie(n) van des voirs(creven) es voir recht/uutgesproken ende get(er)mineert altijt navolgende den voir/t(er)minacie(n) [inden yersten] dat de voirs(creven) reynnart vande(n) goede(n) der voirs(creven)/he(re)n te rosieres gelege(n) te m(er)te naestcomende sceyden sal/en(de) alsdan maken zijn leste jaer Item alse vande(n) gelde/dat de voirs(creven) reynnart seeght ter so(m)me(n) toe van xii/r(ijnsch) guld(en) als hij tgoet aenveerde va(n) wijne betaelt te/hebben selen de voirs(creven) he(re)n aengesien dinhout vander/vorwerden vand(er) pechtinge(n) den voirs(creven) reynnarde betale(n)/v r(ijnsch) gulden oft de weerde d(aer) af It(em) van dat reynnar/voirs(creven) de(n) voirs(creven) he(re)n yesch c clincarde van dat hij van/bedrivene en(de) wy(n)ne(n) der voirs(creven) goede op de selve meer/gedaen hadde dan hij tsijne(n) aencomen bevant es duysprake
//
vander stad aengehoirt van dien de voirs(creven) eertwy(n)ne(n) dat de/voirs(creven) he(re)n dair af ongehoude(n) selen zijn gemerct dat de/selve goede als reynnar die aenveerde alsoe wale bedreve(n)/lagen als zij nu doen uutgenome(n) omtrent ix boend(er) brake(n)/die niet behoirlijc ten aenveerde(n) omgedaen en ware(n) vande(n)/welken des selfs reynnarts voirsete hem alsoe conte(n)terde/dat hij die voir omgedaen aenveerde Item op tpoent/van dat reynnart eyscht van meste bij hem geleecht op vi/boende(r) en(de) een dach(mael) lants van elken boende(r) viii clincarde/termineert de stadt als voe(r) gemerct dat de voirs(creven)/reynnart een deel vande(n) lande(n) vande(n) hove aenverde/die bij sijne(n) voirsete in sijne ii leste jare gemest ware(n)/d(aer) af hem tp(ro)ffijt eens deels es geboirt en(de) oec dat/de selve reynnart na dat hij de voirs(creven) vi boend(er) en(de)/i dach(mael) gemest heeft een zom(er)vrucht vande(n) selve(n)/heeft getoge(n) dat de voirs(creven) he(re)n hem voir dat meste(n)/selen corte(n) en(de) restituere(n) xxii clincarde/Item want de vruchte(n)scaer vande(n) lande(n) der voirs(creven)/he(re)n toechste naestcomende behoire(n) getaxeert te worden/ende oft die beter sijn dan de taxacie van ryennarts/aenveerden gedroech dat die bet(er)nisse reynnarde/toebehoirt en(de) oft hij die arger waren dat dat/den voirs(creven) heere(n) gericht souden worde(n) Soe es d(aer) af/duytsprake vand(er) stad dat beyde voirs(creven) p(ar)tien/malcandere(n) van dien met borge(n) vasticheit doen selen/dair elke(n) dat sal gelieve(n) het zij te loeven(en) oft te/p(er)wez It(em) alst van dat de huysinge vand(en)/hove der voirs(creven) he(re)n niet behoirlijc bij de(n) voirs(creven)/reynnarde gehouden en zijn de welke de selve/reynnart p(rese)nteert tsijne(n) afsceyde(n) te late(n) en(de) alsoe/te rep(ar)ere(n) alst de vorwerde vander voirs(creven) pechti(n)ge(n)/begrijpt dat hij tsijne(n) afscheyde(n) sculdich es te doene
//
heeft de stad get(er)mineert dat de voirs(creven) reynnart die p(rese)ntacie/voldoen sal en(de) d(aer) mede gestaen Item vande(n) coste die/de voirs(creven) reynnart yesch ter so(m)me(n) toe va(n) xx r(ijnsch) guld(den)/geleden hebbende te coste in tvervolge(n) van sijne(n) saken/jege(n) de(n) voirs(creven) heere(n) termineert de stad want p(ar)tien van/malcandere(n) egheene(n) costvan montteringen [na der stad recht] sculdich en zijn/te hebben dan alleene cost van rechte die de voirs(creven) reynnart/niet en allegeert geleden te hebben dat d(aer) vure? de voirs(creven)/he(re)n van dien ongehouden selen zijn Item na de bewijssenisse/die de voirs(creven) reynnart heeft gedaen alst va(n) dat hij/den bastart va(n) p(er)wez met vii knechte(n) viii p(er)de(n)/xvii dage lang heeft moete(n) houden alleene uut ocsuyne/van dat hij der voirs(creven) he(re)n goede hielde en(de) de selve/he(re)n dat niet en v(er)volchden den voirs(creven) reynnarde d(aer) af/ontlast te moege(n) sijn hoe wale hijt hen nochta(n) cundichde/heeft de stad get(er)mineert dat de voirs(creven) he(re)n den voirs(creven)/reynnarde d(aer) af restitucie doen selen Te weten van elke(n)/man [met] den p(er)de elcx daighs de voirs(creven) xvii dach lang dueren(de)/viii stuv(er)s [metgaders den voirs(creven) bodeloene gedragende v stuvers] ende alst van dat de selve reynnart nochyesch van div(er)sen andere(n) p(er)sone(n) de so(m)mige te p(er)de en(de)/de so(m)mige te voete te sijne(n) huys geweest zijnde d(aer)/af de so(m)me gedroech alsoe hij seyde ii te voete voir /eene(n) te p(er)de gerekent xviii dage Es duytsprake/vander stad want reynnar va(n) dien p(er)sone(n) oft getale d(er) selv(er)/zijns v(er)meets oft sijnre bewijssenissen niet genoech/volcom(en) en es om de voirs(creven) he(re)n va(n) s(inte) jans d(aer) inne/gelast te co(n)ne(n) gezijn dat d(aer) o(m)me de selve he(re)n va(n)/dien selen ongehoude(n) wesen en(de) gelieft reynnarde/die costen te volge(n) het zij op de ande(re) gheestelike he(re)n/d(aer) af hij goede es houdende oft de p(er)sone(n) die de
//
teringe moege(n) hebbe(n) gedaen dat hij dat doen mach also v(er)re/trecht sal v(er)moege(n) Ende op de poente(n) van afcortingen/restitucie(n) en(de) anders voirs(creven) sal de voirs(creven) reynnart den/voirs(creven) he(re)n voldoen vander pechtinge(n) na inhoudt der/vorwerde(n) d(aer) af wesende Ende midts dien sele(n) de voirs(creven)/he(re)n en(de) reynnart va(n) malcandere(n) geheelijc en(de) al geslete(n)/zijn ende v(er)yffent sonder dat zij yet meer ofand voird(er)/malcande(re)n om der voirs(creven) goede(n) wille sele(n) moege(n) eyssce(n)/oft vervolge(n) voir gheestelike noch weerlike gerichte(n)/noch anders in gheenre manie(re)n Termineert de stad/oec voirt dat de voirs(creven) p(ar)tien malcande(re)n hie(re)nbove(n)/met wangonste oft anders met feyte niet belaste(n) en/selen noch moegen belasten bij hen selve(n) noch bij nyeman(ne)/anders Act(um) feb(ruarii) xvii
//
Op de gescillen van gebreke die reynnar de ruttar met gescrifte/den raide vander stad ov(er)gegeve(n) heeft jege(n) de(n) he(re)n d(er) cap(itte)len van/sinte jans te luedeck hier na v(er)claert die de selve reynnar meynde/datme(n) hem sculdich ware te restituere(n) op dat hij navolgende der/t(er)minacie(n) vander stad tussce(n) hem ende de voirs(creven) he(re)n vand(er) cap(itte)len/gedaen xix dage in nove(m)br(i) lestlede(n) vander pechtinge(n) der selver/cap(itte)len sceyde(n) soude en(de) zijn leste jaer d(aer) af maken te merte/naestcomende vande(n) welken de voirs(creven) heeren in sdeels meynde(n) /ongelast te wesen ov(er)gevende oec alrehande gebreke d(aer) af zij/oec meynde(n) vande(n) voirs(creven) reynnarde gericht te zijne heeft/de raet vander stad gevisenteert de voirs(creven) t(er)minacie insgelijcx de/bewijssenisse die de voirs(creven) reynnart heeft gedaen vande(n) coste(n)/hem bijde(n) lude(n) van wapene(n) om d(er) goede(n) wille der voirs(creven)/heere(n) toegevuecht
//
vander stad aengehoirt van dien de voirs(creven) eertwy(n)ne(n) dat de/voirs(creven) he(re)n dair af ongehoude(n) selen zijn gemerct dat de/selve goede als reynnar die aenveerde alsoe wale bedreve(n)/lagen als zij nu doen uutgenome(n) omtrent ix boend(er) brake(n)/die niet behoirlijc ten aenveerde(n) omgedaen en ware(n) vande(n)/welken des selfs reynnarts voirsete hem alsoe conte(n)terde/dat hij die voir omgedaen aenveerde Item op tpoent/van dat reynnart eyscht van meste bij hem geleecht op vi/boende(r) en(de) een dach(mael) lants van elken boende(r) viii clincarde/termineert de stadt als voe(r) gemerct dat de voirs(creven)/reynnart een deel vande(n) lande(n) vande(n) hove aenverde/die bij sijne(n) voirsete in sijne ii leste jare gemest ware(n)/d(aer) af hem tp(ro)ffijt eens deels es geboirt en(de) oec dat/de selve reynnart na dat hij de voirs(creven) vi boend(er) en(de)/i dach(mael) gemest heeft een zom(er)vrucht vande(n) selve(n)/heeft getoge(n) dat de voirs(creven) he(re)n hem voir dat meste(n)/selen corte(n) en(de) restituere(n) xxii clincarde/Item want de vruchte(n)
//
heeft de stad get(er)mineert dat de voirs(creven) reynnart die p(rese)ntacie/voldoen sal en(de) d(aer) mede gestaen Item vande(n) coste die/de voirs(creven) reynnart yesch ter so(m)me(n) toe va(n) xx r(ijnsch) guld(den)/geleden hebbende te coste in tvervolge(n) van sijne(n) saken/jege(n) de(n) voirs(creven) heere(n) termineert de stad want p(ar)tien van/malcandere(n) egheene(n) cost
//
teringe moege(n) hebbe(n) gedaen dat hij dat doen mach also v(er)re/trecht sal v(er)moege(n) Ende op de poente(n) van afcortingen/restitucie(n) en(de) anders voirs(creven) sal de voirs(creven) reynnart den/voirs(creven) he(re)n voldoen vander pechtinge(n) na inhoudt der/vorwerde(n) d(aer) af wesende Ende midts dien sele(n) de voirs(creven)/he(re)n en(de) reynnart va(n) malcandere(n) geheelijc en(de) al geslete(n)/zijn ende v(er)yffent sonder dat zij yet meer of
Nagekeken door: Jos Jonckheer , Inge Moris
Moderator: Inge Moris
Laatste update:: 2012-01-11 door Inge Moris