It(em) de voirs(creven) vranck heeft verhuert ende bekent dat hij ge /v(er)huert heeft lijsbetten vandehouthev(er)le docht(er) h(er) reyners van/houthev(er)le een huys ende hof met sijnre toebehoirte(n) gelijc dat/gelegen es inde dorpstrate tusscen den voirs(creven) vrancken ende den/pollepol aldair toebehoe(re)nde janne den mante houden ende te/hebben van kersmisse naestcome(n)de alsoe lange als de voirs(creven) lijsbet/ende katlijn hue(re) docht(er) oft deen beide leve(n) selen oft deen van/hen beide(n) leve(n) sal voe(r) een so(m)me van pe(n)ningen dair af de voirs(creven)/vranc hem bekent heeft volcomelic genoech gedaen sijnde/Met vorwerden dat de voirs(creven) vranc tvoirs(creven) huys der voirs(creven)/lijsbette(n) goet ende cusbaer leve(re)n sal ende wat(er) vast van/wande en(de) van dake tusscen dit en(de) kersmisse naestcomen(de) voirs(creven) /Ende dat sal de voirs(creven) lijsbet en(de) hue(re) docht(er) voirs(creven) alsoe voert/moete(n) houde(n) in goede(n) state van wande ende van dake op hue(re)n/cost Behoudelic dat de voirs(creven) lijsbet en(de) hue(r) den chijs/van xx pl(a)c(cen) d(aer)uut gaende betalen sal lud(ovico) rijke roelofs/junii xxiii