Van jacoppe blancart en(de)/ ywayne rampart/ Tvo(n)nisse tusschen den voirs(creven) jacoppe en(de) ywaine die/ geleit sijn tot den goeden beyde have en(de) erve/ meest(ere)n ghijsbrechts van streethem in deen zijde/ en(de) mathijze van hoye opte veedem(er)ct te/ loven(e) wonen(de) in dande(re) Alse van alrehande/ havelike(n) goede(n) die de selve mathijs in tween/ oft drien scrijnen ond(er)hadde en(de) hem vande(n) voirs(creven)/ meest(er) ghijsbrechte gelev(er)t wae(re)n meynen(de) die te/ behoude(n) tot aen d(er)re tijt toe dat hij vande(n) selve(n)/ meest(er) ghijsbrecht en(de) jacoppe yt ywaine(n) die tot/ sijne(n) goede(n) beleidt sijn v(er)nuecht en(de) ghecontenteert/ worde van montcoste en(de) and(er)ssins vand(er) so(m)men/ van xi rijd(er)s en(de) xxxv pl(a)c(ken) D(aer) op de/ voirs(creven) twee geleidde allige(re)nde deden seggen/ dat de selve meest(er) ghijsbrecht hen van wettiger/ schout buyte(n) hue(re)n brieve(n) brieve(n) sculdich wae(re) inde/ so(m)me van l gulden rijd(er)s hopen(de) mids dien dat/ hen en(de) nyeman(de) and(er)s de selve have tot hue(re)n/ scult behoef volgen soude na dien dat zij hue(re)n/ eedt [d(aer) toe] p(rese)nteerden te doen bove(n) hue(re)n brieve(n) [na d(er) stad recht] Was/ gewijst met desen worde(n) dat den voirs(creven) jacoppe en(de)/ ywayne en(de) hue(re)n beleide de voirs(creven) have volgen/ soude op de p(rese)ntacie die zij gebode(n) hadden welk/ p(rese)ntacie oft eede te doen hen de voirs(creven) mathijs/ inden rechte corts d(aer) na v(er)droech p(rese)nt(ibus) lomb(ar)t/abs(oloens) wijtvliet pynnoc ca(pelle)[ma(n)] voshem no(vem)[b(ris)] xviii