It(em) uut dien dat henric van acht(er) die met scepen(en) brieve(n) van/loven(en) gegoedt es in seke(re)n goede(n) die wae(re)n jans wile(n)/neese te gu(n)tmeere en(de) d(aer) ontrent gelegen comen es/bijd(er) stad opdoende hoe dat derfgename(n) des selfs wilen /jans hen de voirs(creven) goede(n) voir chijs goede(n) gecoc v(er)cocht/en(de) gewarandeert hadde(n) en(de) datmen die niet tege(n)staende/op de voirs(creven) goede(n) volghde voir gebrec van heerlech(eit) als/leene tsheerscaps van bierbeke beghe(re)nde d(aer) om dat sijn/v(er)cop(er)s hen dat afdaden des zij niet en meynde(n) te doen/mair hoepten dat men niet bevinden en soude [dat] die/leene sijne Soe es ov(er)dragen dat de voirs(creven) henric/met orconde(n) sijne(n) voirs(creven) v(er)cope(re)n condigen sal den/dach van rechte die vand(er) voirs(creven) questie(n) dienen/sal om oft hen gelieft de voirs(creven) goede(n) te hulpen/v(er)antw(er)den En(de) oft zij d(aer) comen oft oic niet en co(m)p(ar)e(re)n/dat de voirs(creven) henric die na sijn beste sal v(er)ant/worden en(de) bevint men dair en boven dat de
//
selve goede(n) vo(n)nislijc leene worde(n) bevonde(n) dat dan/de voirs(creven) henric sal volgen op sijn v(er)cope(re)n sijn/gelufte van genoechdoen na den rechte vand(er)/stad en(de) elswair d(aer)t behoe(re)n sal Act(um) in/pleno consilio m(ar)tii xxiii