It(em) want arnt van coellen van lye(re) die met scepen(en) brieve(n) van loven(en)/come(n) en(de) beleidt es tot allen den goeden beide have en(de) erve gielijs/wijlen coppens op heden hadde doen inscrive(n) janne den smet die hem/aen alle de voirs(creven) goede ongebruyc dede Aldair de voirs(creven) jan come(n) es/en(de) sprack aen den voirs(creven) arnde van alrehande gelofte(n) van xlvii crone(n) xxxvi/clinckarts en(de) x stuv(er)s die he(m) de voirs(creven) giel(ijs) voirtide(n) soude hebbe(n) gedaen/en(de) met vo(n)nisse d(er) scepen(en) van loven(en) aengewijst alsoe de selve jan seide met/meer woirde(n) luttel tot sijne(n) besceide dienende Soe hebben de he(re)n scepen(en)/van loven(en) gewijst voe(r) een vo(n)nisse dat alsulken aensprake als jan gedaen/hadde den voirs(creven) arnde noch zijne(n) beleide gheen onstade doen en sal alsoe/dat noch voe(r) scepen(en) come(n) es p(rese)nt(ibus) eisd(em)