It(em) lambrecht va(n) wynge en(de) jan necker die geleidt zijn/ en(de) come(n) na de(n) rechte d(er) stede(n) van loeven(en) en(de) va(n) thiene(n)/ tot alle(n) de(n) goede(n) jouffr(ouwe) magriete(n) weduwe gorts wile(n)/ va(n) hobroeck so wair die belege(n) zijn [in p(rese)ncia] hebbe(n) malca(n)de(re)n gelooft/ en(de) toegeseecht voir hen hare(n) erve(n) en(de) nacomelinge(n) dat zij/ na doot der voirs(creven) jouffr(ouwe) magriete(n) te gelike deyle(n) ende/ hebben selen alle ende yegewelke alsulke onberuerlike ende/ erfgoede hoedanich die zijn gronde chijse oft rente(n) ende/ die also aenveerde(n) [alsoe wale bynne(n) thiene(n) als elde(r)] Uutgesceyde(n) thuys gelege(n) op de core(n)m(er)ct/ te thiene(n) opde(n) driesch d(aer) de voirs(creven) gord va(n) hobroeck te/ woene(n) plach [dwelc de voirs(creven) jan necker alleene voir uut hebben sal] Behoud(elic) oec dien oft de voirs(creven) la(m)brecht deyle(n)/ wille in eene(n) sack core(n)s erflijc die de voirs(creven) jouffr(ouwe) magr(iete)/ v(er)cocht hadde h(er) gielijs de lantmete(r) en(de) die de voirs(creven) jan/ necker gequeten heeft en(de) d(aer) af gheen guedinge en es gesciet/ dat hij dan de(n) voirs(creven) janne sal betale(n) x pet(er)s eens En(de)/ oft oec de selve lambrecht deyle(n) wilt in alsulke(n) v sacke/ core(n)s als de voirs(creven) jan necker afgecocht heeft jegen h(er)/ willem rogiers en(de) sijnre suster die zij hadde(n) op de goede/ der voirs(creven) jouffr(ouwe) magriete(n) also lange als de selve h(er) wille(m)/ ende zijn suster beyde leve(n) sele(n) dat hij dan de(n) voirs(creven)/ janne necker oplegge(n) sal xxv guld(en) pet(er)s en(de) xv halst(er)en/ corens d(er) maten van thiene(n) eisd(em)/