It(em) de voirs(creven) meest(er) [jan] heeft geloeft den voirs(creven) henri(cke) vanden/ borchove(n) tusschen dit en(de) kersmisse den ix[ten] dach van/ m(er)te neestcomen(de) te lossen van alsulk(en) t(er)minatien alse de/ stad van bruessel gedaen heeft alse dat de voirs(creven)/ henric lossen moet de goede philips py(n)noc/ voir de voirs(creven) xiii pet(er)s aen ja(n)ne van winxele/ tond(er)pande staende oft bynne(n) den selve(n) tijde de/ selve xiii pet(er)s lossen en(de) afquiten oft and(er)s ja(n)ne/ van winxele te vrede(n) stellen dat hij de/ ond(er)pande des voirs(creven) philips quijtscelde(n) sal/ Desgelijx heeft geloeft de selve meest(er) jan/ den voirs(creven) henricke dat hij hem en(de) sijn borge(n) lossen/ sal en(de) ontslaen aen daneele boxhoe(re)n van v rijd(er)s/ lijftochte(n) en(de) aen arnde van kessele drie mudde/ corens lijfpe(n)sien tussche(n) nu en(de) den naesten dage/ dat de selve lijftocht vallen sal alsoe dat/ de selve henric en(de) sijn borge(n) d(aer) af ongepraemt sele(n) blive(n)/ cor(am) eisd(em)/