SAL7341, Act: V°81.1-R°85.1 (110 of 494)
Search Act
previous | next
Act V°81.1-R°85.1  
Act
Date: 1446-08-30
Languages:Nederlands,Français

Transcription

2019-12-27 by Willy Van Bruystegem
Vanden he(re)n van s(en)te denijs te luydeck/
Alsoe als inde(n) rechte come(n) zijn inde banc voir meye(r) en(de) scepen(en)/
va(n) loeven(en) b(er)thelmeeus de hont die voir meye(r) en(de) scepen(en) va(n)/
loeven(en) gevo(n)nist hadde zeke(re) scepen(en) brieve hem voir scepen(en)/
van loeven ov(er)gegeve(n) van h(ere)n henr(icke) splynter cano(n)nic en(de)/
scolaster der collegie kerken va(n) sinte denijs te luydec op lyebrechte/
van jandrein wonen(de) te foul sprekende vander so(m)me(n) van lxviii/
m(ud)[de] spelte(n) der mate(n) van luydec en(de) xxx cap(uynen) die de selve/
liebrecht jaerlijcx den t(er)mijn va(n) xii jare(n) lang dueren(de) gelooft/
hadde den voirs(creven) he(re)n deken en(de) capittel alse vande(n) goede(n)/
chijsen renten en(de) vierdschoeve der voirs(creven) cap(it)len van sinte/
denijs die sij hadde(n) inde p(ro)chie van foul voirs(creven) in deen/
zijde en(de) de voirs(creven) liebrecht wy(n)ne der voirs(creven) he(re)n ind(er)/
selver p(ro)chien va(n) foul in dand(er) Dair de voirs(creven) b(er)thelmeeus/
betalinge begheerde te hebben vande(n) scepen(en) brieve voirs(creven) bij de(n)/
voirs(creven) liebrechte alsoe geloeft van ii jare(n) die na inhoudt des/
scepen(en) briefs de goede en(de) rente(n) der voirs(creven) hee(re)n gehoude(n) hadde/
en(de) oec meer oft bewijssenisse van dien Meynende dat he(m) dat/
sculdich ware te gesciene oft dat de voirs(creven) liebrecht d(air) voer/
inder hachte(n) soude bliven Acht(er)volgen(de) de(n) vo(n)nisse d(er) scepen(en)/
van loeven(en) opte(n) voirs(creven) liebrechte vande(n) voirs(creven) scepen(en) brieve(n) gewijst/
die hij inden rechte exibuerde en(de) dede lesen Na den welken de voirs(creven) liebrecht aensprac seggende dat waer/
ware dat hij de goede der voirs(creven) cap(it)len en(de) al des zij/
inde p(ro)chie va(n) foul voirs(creven) hadden also wale erfpacht/
als anders jege(n) hen in pechtinge(n) te jaerscare(n) also de scepen(en)/
brief me(n)cie maecte genome(n) hadde Dair op hij seke(re) beta/
linge hadde gedaen te weten de poente(n) gescreve(n) in/
ii cedullen die hij inde(n) rechte dede lesen d(air) af dat/
de tenuere hier na volcht Chest ce q(ue) libert ce(n)seur/
mess(ieu)[rs] le doyen de s(ain)t denis et du chap(el)le a foul en/
braba(n)t a paijet et rendut pour et en nom du doyen/
et chap(el)le susd(it) qui ent(re)prinst le cens susd(it) jusq(ue)s au jo(u)[r]
//
del division des a(m)ples? en lan xlv p(re)mi(er)s? pour les lie(n)s de lobligan(ce)/
f(ai)tes a louvain xiiii aidans It(em) gens darmes de mons(eigneu)[r] le duc po(u)[r]/
ta(n)t quil se deporta(n)t et de prend(re) sur les b(ie)ns dud(it) cap(it)re xvi/
aidans It(em) paiet a mess(ieurs) rasse et henri mesurier lviii aidans et/
xviii s(ols) It(em) gossuin le compteur vi aida(n)s et vi l(i)b(ra) pay(s) de liege/
et iiii muys de grain ou environ It(em) encor(e) paiet led(it) goessuin/
sur le compterie v g(ri)ffons It(em) led(it) gossuin me(n)quiez? [qui] receupt a/
foul ii chevaulcheurs ung vielz escus guill(au)ms? et i flor(in) de rin/
It(em) a legl(is)e de foul po(u)[r] pain et pour vin v ayda(n)s It(em)/
po(u)[r] ung escot que les esch(ev)ins desp(u)t(es) dire(n)t ta(n)t le scolastre/
le fist ma(n)der po(u)[r] prendre sasine sur gille de huy v ayda(n)s/
It(em) encor(e) paiet a goessuin ung chevaulche(u)[r] et vi aida(n)s /
so(m)ma iii[c] iiii l(ibra) xviii s(tuferi) vi d(enarii) faciu(n)t xxix g(ri)fones iii/
pl(acce) et iiii mod(ii) spelte fac(iunt) iiii[or] g(ri)ffones Solvit ide(m) lib(er)t(us)/
in registro ecc(les)ie s(an)c(t)i dyonisii leod(inensis) anno xliiii s(ecundu)[m] reg(ist)r(u)m/
me(n)s(i) julii die xvii centu(m) et lxix aydans bonos in/
div(er)s(is) mo(n)et(is) solut(os) fac(iunt) xvii g(ri)ffones xiiii boddrag(ers)/
so(m)ma to(ta)lis est quinquagi(n)ta griffones xiiii boddrag(ers) Ego/
joh(ann)es dyonisii (com)putor? p(ro) p(art)e? s(an)c(t)i dyonisii leod(inense) fateor/
me recepisse ad unu(m) cambiu(m) lovanii nomi(n)e lib(er)ti de foulz defoul et in defalcac(i)onem sui debiti ad bonu(m) (com)pute(m) sup(er) hiis/
in q(ui)b(us) obligat(u)[r] cap(itu)lo s(an)c(t)i dyonisii xxiii floren(os) renen(ses) fac(iunt)/
xlvi g(ri)ffones paga(men)[ti] leod(inensis) ult(ima) junii a(n)ni xiiii[c] xlv[ti] s(ecundu)[m] registra Dit es dander cedule Cest ce /
que les seign(eu)rs del chap(it)re de s(ain)t denis de liege ne/
veullent point descompter a libert leur ce(n)seur p(re)mie(re)me(n)t/
il a payet a marlir de legl(is)e de foul de [pour] son pain et vin/
vi aydans It(em) a damoisel de jauche paiet po(u)[r] iii muys/
davaine iii pet(er)s It(em) paiet a leur esch(ev)ins po(u)[r] leur droit/
de ii a(n)neez iiii clincars It(em) bailliet a henri le mesureur/
de s(ain)t denis po(u)[r] son boire et mengier xii journeez faisa(n)t/
leur p(ro)uffit po(u)[r] lequel il demande po(u)[r] ch(ac)une journee/
ii aidans It(em) paie a fostier pour faire adjo(u)[r]ner les/
maisuirs al requeste desd(its) seign(eu)rs ung florin de rin
//
It(em) il demande ravoir xvi muys et iiii dosines de ble pour/
le quart garbe que les gens des seign(eu)rs sen ont deporte It(em)/
il demande eusi ravoir les xx muys de ble de ii a(n)nees/
quilz ont deffendu quon ne luy paiast point It(em) paie a symon/
le bonier iiii muys de bleit po(u)[r] le chariage de ble qui/
estoient sur leur t(er)re It(em) louet ausd(its) seign(eu)rs une graingne/
pour xii dousines de ble dont il est encore en deffaulte de/
lan xliiii It(em) ilz ont receuz a mons(ieu)[r] jehan [le] cappellain de foul/
xxxiiii(½) muys despeaulte Seggende tot desen de voirs(creven)/
liebrecht dat de voirs(creven) he(re)n oft e(n)nige van hoire(n) wege(n)/
verboden hadde(n) e(n)nige late die hen jarelijcx erfpacht/
oft erfrente(n) sculdich ware(n) dat sij d(air) af den voirs(creven)/
liebrechte gheen betalinge doen en souden maer hen/
oft hoire(n) zekere(n) geco(m)mitterde(n) Oec al waert dat de /
voirs(creven) liebrecht sculdich ware geweest alle de(n) viertschoef/
die de voirs(creven) he(re)n inder voirs(creven) p(ro)chien gew houden(de) zijn/
te hebben in sijnre getoesten soe ware(n) nochta(n) de voirs(creven)/
ii jare de selve viertschoeve va(n) wege(n) d(er) voirs(creven) he(re)n/
in hoir schue(re) met andere(n) hue(re)n core(n) dat zij d(air) liggende/
hadden gevuerdt en(de) inne gedaen Dwelc zij al tsame(n)/
den voirs(creven) liebrechte(n) bute(n) sijnre pechtinge(n) om i so(m)me/
van coirne v(er)cocht hadden en(de) dat de voirs(creven) he(re)n gekint/
ende gelijdt hadden voir goede ma(n)ne(n) al w(er)t dat zij/
hem nu stoet make(n) woude(n) aen den bute(n) pacht dat/
hijt al niet uutgesceide(n) sculdich ware te hebben/
des zij inde p(ro)chie van foul hadden en(de) dat erfpachte(n)/
diemen op gronde van erve erflijc houden(de) es/
ald(air) bij gemeynder fame(n) en(de) maniere(n) van spreke(n) hiete(n)/
rinten en(de) dat de scepen(en) brief voirs(creven) rinte(n) uutwijsde/
dat boot de voirs(creven) liebrecht metten ande(re)n poenten/
voirs(creven) te thoene(n) met alsulker conden alse hem de /
wairheit d(air) af dragen soude en(de) noot ware inde(n)/
rechte Hopende en(de) meynende waer hij die poente(n)/
gethoene(n) conste dat hij metter betalinge(n) en(de) bewijssenisse(n)
//
voirs(creven) gestaen soude en(de) dat hem de(n) voirs(creven) bute(n) pacht/
vredelijc soude volge(n) en(de) dat de voirs(creven) b(er)thelmeeus voir/
den voirs(creven) viertschoef vande(n) voirs(creven) ii jare(n) hem afrekene(n)/
sal en(de) corte(n) also vele als hoir schoeve oft hoepe in gelike(n)/
gemaect en(de) geschote(n) hadden den welken viertschoef jaerlijx/
gedroech viii oft ix boende(r) oft also vele alse de w(aer)heidt/
d(air) af drage(n) soude d(air) toe hij hem gedroech Ende wa(n)t/
aldair de(n) voirs(creven) liebrechte noch uutstonden zeke(re) rente(n)/
de(n) voirs(creven) he(re)n toebehoiren(de) die zij hadde(n) op zeke(re) goede/
div(er)sen p(er)sone(n) toebehoiren(de) te weten gillis va(n) hoeye/
jans van wairna(n)t en(de) ande(re) die de selve liebrecht niet/
gecrige(n) en conste maer hadde d(air) voir faulte(n) na d(er) banc/
recht gedaen en(de) de voirs(creven) he(re)n oft e(n)nich van hen he(m)/
gelooft hadde(n) also hij boot te thoene(n) wa(n)neer hij ii faute(n)/
hadde gedaen dat sij dan soude(n) come(n) neve(n) sasijne/
oft guedinge vande(n) erve na d(er) gewoente(n) vande(n) rechte/
van luydec en(de) dat die p(er)sone hoir erve voir de(n) selve(n)/
pacht liete(n) ligge(n) d(air) de voirs(creven) liebrecht ii faute(n) op/
gedaen hadde also v(er)re dat vorw(er)de was soe hoepte/
hij dat hem die rinte(n) na inhoudt der vorwerde(n) corte(n)/
soude(n) en(de) sculdich ware(n) te corten en(de) oft die bij v(er)striken/
van tide verlore(n) ware(n) bleve(n) dat de voirs(creven) b(er)telmeeus/
die scade(n) drage(n) soude gem(er)ct dat hijt he(m) gecu(n)dicht/
hadde in tijts en(de) in ure(n) Dair op de voirs(creven) b(er)telmeeus/
hem zee(r) d(er) voirs(creven) aensprake(n) v(er)wonderen(de) dede antwerde(n) met/
sijne(n) voirspreke seggende dat he(m) die noch sijne(n)/
scepen(en) brieve(n) gheen onstade doen en soude wa(n)t hij/
de poente(n) ind(er) sijne(n) scepen(en) brieve(n) voirs(creven) cedulle(n) begrepe(n)/
ne(m)m(er)meer gethoene(n) en soude co(n)ne(n) en(de) al w(er)t also/
dat de scepen(en) brief inhielde rinte(n) soe w(er)t nochta(n)/
gemeyn stijl alhier van scrive(n) ind(er) stad soudeme(n) erf/
pacht scriven datme(n) mede gesedt soude hebbe(n) pacht/
Oec hadde de voirs(creven) liebrecht in p(rese)ncie(n) va(n) scepen(en)
//
van foul gekindt en(de) gelijdt dat hij de voirs(creven) goede der/
voirs(creven) he(re)n sculdich ware te hebben genome(n) hadde en(de) hebbe(n)/
soude ind(er) mate(n) sijn voirsete(n) pechtenere(n) vande(n) selve(n)/
goede(n) die gehoude(n) hadde(n) en(de) dat voirmaels ov(er) vele/
getoesten de selve goede gegoude(n) hadde(n) lxviii m(ud)[de] spelte(n)/
d(er) maten voirs(creven) en(de) xxx cap(uynen) oft somtijts lx cap(uynen) nochta(n)/
behielde(n) de voirs(creven) he(re)n hoire(n) bute(n) pacht te henw(er)ts/
Seggende voirts al geliefde de(n) voirs(creven) liebrechte te segge(n)/
dat de voirs(creven) he(re)n oft e(n)nige van hoire(n) wege(n) den voirs(creven)/
vierdeschoef aenveerdt hadden en(de) die inne gevuerdt met/
anderen hoire(n) coirne so waert ware dat de(n) selve(n) vierdschoef/
bij biwesen des voirs(creven) liebrechts en(de) met sijne(n) consente geleecht/
was inde schue(re) der voirs(creven) hee(re)n d(air) hij den sloetel ende/
dbewijnt af hadde En(de) op tgene dat de selve liebrecht/
segge(n) mochte dat hem zeke(re) rente(n) den voirs(creven) heere(n)/
toebehoiren(de) gebrake en(de) d(air) af hij begheerde dat zij/
guedinge name(n) alse hij ii dage gedaecht hadde So/
seyde de voirs(creven) b(er)thelmeeus wa(n)t de voirs(creven) he(re)n den voirs(creven)/
liebrechte hoire(n) meye(r) gemaect hadde(n) inde(n) voirs(creven) dorpe/
van foul en(de) hem behoirlike p(ro)cu(ra)cie gegeve(n) dat hij mechtich/
genoech was hoir rente(n) te boire(n) die hij heffen mochte/
tsijne(n) p(ro)fite en(de) dat die poente(n) waer ware(n) en(de) d(air) toe/
dat de voirs(creven) liebrecht onlanx lede(n) come(n) ware voir/
scepen(en) van loeven(en) te ii stonden en(de) hadde uut machte/
van scepen(en) br(ieve) va(n) loeven(en) die hij bekinde sijn have doen/
beleyde(n) Ten eene(n) male janne ha(n)narde en(de) te(n) ande(re)n/
male eene(n) anderen bove(n) dien dat hij de(n) selve(n) hee(re)n/
gelooft hadde in name va(n) vesticheide(n) ii m(ud)[de] corens/
ef erfs pachts in handen te sette(n) des hij niet gedaen/
en hadde boot de voirs(creven) b(er)thelmeeus met goede(n) conde(n)/
bij te bringen Hopende wair hij dat gethoene(n) conste dat/
hij der voirs(creven) aenspraken ongehoude(n) sijn soude en(de) dat/
de voirs(creven) liebrecht sculd(ich) ware he(n) vande(n) voirs(creven) ii/
jare(n) betalinge oft bewijssenisse van betalinge(n) te doene
//
en(de) verdoolt blive(n) aende(n) voirs(creven) bute(n) pacht en(de) dat hij de(n) voirs(creven)/
hee(re)n goede zeker en(de) vesticheit vande(n) voirs(creven) jaerscaren/
setten soude en(de) des gedroech hij hem tot den rechte en(de)/
begh(eer)de d(air) af een vo(n)nisse Na [desen] wijsden de he(re)n scepen(en) van/
loeven(en) beyde de voirs(creven) p(ar)tien tot hoire(n) thoenisse Also/
dat de voirs(creven) liebrecht te sijne(n) dage va(n) thoene(n) thoende/
inde(n) yerste(n) met ii goede(n) ma(n)ne(n) die cleerde(n) beyde op/
hoire(n) eedt dat zij d(air) bij geweest hadde(n) d(air) e(n)nige [vande(n) he(re)n] vand(er)/
voirs(creven) cap(it)len kinde(n) dat liebrecht jege(n) hen genome(n) hadde/
al dat de selve cap(it)le inder p(ro)chien van foul hadde liggen(de)/
niet uutgesceyde(n) Thoende voirts de selve liebrecht/
met ii goeden ma(n)ne(n) die claerde(n) dat zij d(air) bij geweest/
hadde(n) d(air) een rekeni(n)ge tussce(n) d(er) he(re)n va(n) sinte denijs rekene(re)/
in deen zijde en(de) liebrecht in dander zijde gesciede en(de) d(air)/
dierste cedulle voirs(creven) voir oge(n) qua(m) en(de) d(air) de selve rekene(re)/
kinde dat hij met des inde selve cedulle gescreve(n) stont/
al betaelt was vande(n) yerste(n) jare d(er) voirs(creven) pechtinge(n) en(de)/
iiii gripe(n) over Bewijsde voirts uut(er) ander cedullen drie/
poente(n) te wete(n) vande(n) iiii clincarde(n) de(n) scepen(en) va(n)/
foul gegeve(n) vande(n) r(insche) guld(en) de(n) vorste(r) ald(air) gegeve(n) en(de)/
vande(n) xxxiiii(½) mudde spelte(n) die de he(re)n va(n) liebrechts/
wege(n) aende(n) capellaen van foul gehave(n) hadde(n) also dat/
de selve getuge(n) dat ope(n)bairlijc cleerde(n) en(de) dat bij/
gemeynder fame(n) erfpacht op gronde va(n) erve staende/
gemeynlijc ald(air) rente(n) hieten en(de) dat vand(er) heere(n)/
wege(n) die erfpacht en(de) rinte(n) sculdich ware(n) hen geseecht/
was dat zij der voirs(creven) cap(it)len oft hoire(n) zeke(re)n bode/
en(de) nyeman(ne) and(er)s betalinge doen en soude(n) maer tot/
wat meyni(n)ge(n) dat dat was en wisten de selve getuge(n)/
niet en(de) dat de voirs(creven) liebrecht tcore(n) inde schuere/
liggende jege(n) de(n) voirs(creven) heere(n) te pachte genome(n) hadde/
om i zeke(re) so(m)me van core(n) gelijc ii goede ma(n)ne dat/
op hoire(n) eedt droege(n) Thoende voirts dat de viertschoef/
die de voirs(creven) he(re)n ald(air) hadden va(n) hoire(n) wege(n) ingedaen was
//
en(de) dat der lande d(air) af was omtrent vii boend(er) na huerr(er) conde(n)/
Thoende oec dat de voirs(creven) he(re)n de(n) voirs(creven) liebrechte toegeseecht/
hadden alse vande(n) rente(n) dieme(n) hen d(air) sculdich was wa(n)neer/
liebrecht ii faute(n) gedaen hadde dat zij dan ald(air) soude(n) come(n)/
neme(n) guedinge vande(n) erve en(de) dat de p(er)sone(n) die die/
rinte(n) sculd(ich) ware(n) hoir erve d(air) voir mochte(n) late(n) ligghen/
en(de) dat liebrecht e(n)nige van dien faulte(n) hadde gedaen/
Hoopte na desen dat hij wel gethoent hadde dat hem/
den voirs(creven) buten pacht volgen soude en(de) dat hij met/
dier bewijssenissen gestaen soude en(de) oec dat hem ten/
afslage soude comen de ii poente(n) voirs(creven) te wete vande(n)/
viertschoeve ter taxacie(n) van goeden knapen en(de) de rinte(n)/
d(air) voe(r) de(n) gront vanden erve bleef liggende en(de) des/
getroeste hij hem totte(n) rechte En(de) de voirs(creven) b(er)thelmeus/
thoende inde(n) yerste(n) en(de) dede mane(n) dierste ii getugen/
des voirs(creven) liebrechts waer zij gehoirt hadde(n) dkinnesse/
vande(n) hee(re)n va(n) s(en)te denijs dat sij hem alle hoir goede/
uutgegeve(n) hadden die noemden elc van hen div(er)se plaetsen/
d(air) sijt gehoirt hadde(n) te wete(n) [deen d(air) af] opder scepen(en) huys alhier/
en(de) dand(er) inde rekencame(r) der voirs(creven) he(re)n te luydeck Thoende/
voirts met scepen(en) va(n) foul dat liebrecht gekint hadde dat/
hij d(er) he(re)n goede genome(n) hadde in ald(er) manie(re)n dat zijn/
voirsete wy(n)nen die hadde(n) gehadt en(de) dat bij iii oft iiii/
wy(n)nen tide voirmaels altoes gegouwe(n) hadde lxviii/
m(ud)[de] spelte(n) en(de) xxx oft somtijts lx cap(uynen) nochtan behielde(n)/
de he(re)n voirs(creven) hoire(n) bute(n) pacht te henw(er)ts en(de) oec/
dat de deken alse de voirs(creven) liebrecht de voirs(creven) goede/
aenv(er)de(n) oft neme(n) soude seyde siet liebrecht het/
es v(er)lore(n) dat ghij ons vele moeydt ghij [en] sulter niet/
min af geve(n) dan ande(re) uwe voirsete(n) gedaen hebben oft/
ghij en seles niet hebbe(n) Thoende voirt met ii goede(n)/
ma(n)ne(n) dat de(n) vierdeschoef inne gedaen hadde geweest/
bij bijwesen vande(n) voirs(creven) liebrechte en(de) dat liebrechte/
den sloetel en(de) dbewindt d(air) af hadde En(de) oec dat de
//
voirs(creven) liebrecht was hoir meye(r) en(de) hadde van hen goede/
p(ro)curacie en(de) hadde geweest altijt tot nu onlancx dat/
hij de meyerie v(er)tegen hadde vande(n) beleyde inde(n) v(er)antw(er)de(n)/
geruert Thoende de selve b(er)thel(meus) des hij hem v(er)meten/
hadde Na de(n) welke(n) hij hoopte dat de bewijssenisse(n) die/
de voirs(creven) liebrecht gedaen en hadde hem gheen onstade/
doen en soude maer dat hij sculdich ware de betalinge/
te doene na inhoudt van sijne(n) scepen(en) brieve(n) en(de)/
vestich(eit) voir al alsoe hij in sijne(n) v(er)antw(er)de(n) geeyscht/
hadde sond(er) e(n)nich recht aen den bute(n) pacht te hebben/
des hij hem getroeste tot den rechte na der wairh(eit) die/
hij d(air) af geleydt hadde Desen niet jege(n)staende meynde/
de voirs(creven) liebrecht des voir geruert steet dat hij metter/
bewijssenissen en(de) betalinge(n) voirs(creven) gestaen soude behouden(de) de(n)/
bute(n) pacht afcortende den viertscoef en(de) acht(er)stellige(n) re(n)te(n)/
voirs(creven) des hij hem wael getroeste na thoenisse dat hij gedaen/
hadde tot den vo(n)nisse der scepen(en) Die wijsden ten/
utersten na aensprake v(er)antwerde(n) en(de) thoenisse van/
beyden p(ar)tien dat den voirs(creven) liebrechte alle de goeden d(er)/
voirs(creven) heere(n) gelegen te foul uutgenome(n) den bute(n) erfpacht/
voirs(creven) volgen soude(n) in sijnre pechtinge(n) na uutwijsen der/
scepen(en) brieve(n) Ende dat hem aen de bewijssenisse van ii jare(n)/
te bate(n) come(n) souden de poente(n) ind(er) yerster voirs(creven) cedulle(n)/
begrepen en(de) oec mede xxxiiii(½) m(ud)[de] spelte(n) die de/
capellaen va(n) foul betaelt hadde de iiii clincarde aen/
den scepen(en) en(de) den r(insche) guld(en) aen de vorste(r) ind(er) lester/
cedullen begrepen na dat de wairheit gedrage(n) hadde/
p(rese)ntib(us) rike kersmeke(re) abs(oloens) roelofs ov(er)wynge lyntre p(rij)ke(re)/
aug(ustus) p(en)ult(ima)/
ContributorsInge Moris , Chris Picard
Moderated byMi-Je Van Gils
Last update: 2014-08-11 by Inge Moris