Cont zij allen liede(n) dat vranc van gempe geheten/ mussche in deen zijde en(de) pet(er) willem(aer) geheten van/ vaelbeke in dande(r) die huer(er) beyd(er) huyse en(de)/ hove(n) aen een liggen(de) hebben inde hoelstrate tussche(n)/ ja(n)ne joyart en(de) ja(n)ne de jonge sijn eens worde(n)/ en(de) hebben malcande(re)n geconsenteert voir hen hue(re)n
//
erfgenamen en(de) nacomelingen gestentichlijc [tot ewigen dagen] tond(er)houden/ de pointen hier na bescreven Inden yersten dat/ de voirs(creven) peter met sijne(n) voirs(creven) huse achter sal moegen opvae(re)n en(de) ty(m)mere(n)/ tot aen thuys en(de) de worme vande(n) selve(n) huyse des voirs(creven) vrancx also/ hoge als hem gelieve(n) sal en(de) acht(er)wert tot aen den kerf[(½) voete na den kerve] staende getekent/ inde rijkele aen de vinster ten huse w(er)t des voirs(creven) peters opte(n) acht(er)sten solde(r)/ des voirs(creven) vrancx oft (½) voet d(aer) over en(de) niet voirder en(de) so wanneer de/ voirs(creven) [peter] met den dake van sijne(n) huyse gety(m)mert sal hebben hog(er) dan tdach [tdack]/ des voirs(creven) vrancx sal peter doen leggen int dach [tdack] des voirs(creven) vrancx een looten/ gote die dwater van beyden husen leiden sal aflopen(de) in des voirs(creven) peters/ hof en(de) die gote also houden teewigen dagen En(de) oft h(ier) namaels vranc/ met sijne(n) huse voirs(creven) opvue(re)n hog(er) dan peter nu ty(m)mere(n) sal sal de voirs(creven) vranc/ de voirs(creven) loten gote custbairlec doen herleggen op sijne(n) cost int dach [tdack] des/ voirs(creven) peters om dwater van beide(n) husen voirs(creven) inder voirs(creven) maten af/ te leyden en(de) die alsoe herleeght sal pet(er) die erflijc voirtaen houden It(em)/ want des voirs(creven) vranx licht nu comen(de) doir een vinste(r) tot in sijn cokene/ metten opty(m)mere(n) des voirs(creven) peters benome(n) sal worde(n) sal de selve peter/ om vrancken wed(er)om liecht te hebben op sijnen cost doen maken een want / van aende(n) stijl staen(de) aen de schouwe vand(er) acht(er)[ter]came(re)n des voirs(creven) vrancx/ tot aen een teeken ald(aer) gemaict inde want des selves vrancx tusschen/ beide sijn came(re)n te weten iiii voete vand(er) hofwant en(de) de selve want/ boven ind(er) hoeghde(n) vande(n) worme(n) toemake(n) en(de) dan sal de selve/ pet(er) doen uutdoen de wande [en(de) solde(r)] bynne(n) den ond(er)slage vand(er) worm voirs(creven)/ en(de) dan doen hange(n) een vinste(r) inde(n) want te(n) hove wert aende(n) stijl/ vand(er) voirs(creven) scouwe(n) van aen de worme(n) [boven] tot aen de solde(r) op dat d(aer) dore/ en(de) van dan voirt doir [tgat van] den solde(r) des voirs(creven) vrancx dliecht wed(er) inde/ voirs(creven) coken comen moege ende desgelijcx sal peter oic een vinst(er) doen / hangen inde want vande(n) ond(er)slage [voirs(creven)] en(de) [dit] tot desen op cost des voirs(creven)/ peters gemaict sijnde sal de selve peter noch den voirs(creven) vrancke(n)/ geven iii rinsche guld(en) [eens] t(er) stont als hij hem sijn yerste licht benome(n)/ sal hebben Item dat den muer staende tusschen beide de huse sal blive(n)/ also dien nu steet en(de) oft d(aer) [inne] e(n)nige balke lagen die niet goet en wae(re)n
//
vand(er) zijden des voirs(creven) peters sal hij mogen uutdoen en(de) inde selve/ gate weder and(er) leggen sonder nuwe gate elswair te maken en(de) vranc/ sal hen oft hem gelieft jegen de scouwe des voirs(creven) peters boven/ oic een scouwe moegen doen maken en(de) d(aer) inne vestigen en(de) tande(n)/ sond(er) pete(re)n ander hinder te doen en(de) mids desen selen sij van/ allen palincte(n) en(de) stoet tusschen hen wesen(de) van hue(re)n huzen voirs(creven)/ gesleten sijn en(de) te vreden [geloven(de) elc den ande(re)n vande(n) vors(creven) poenten altijt genoech te doen of e(n)nigen va(n) hen d(aer) inne yet te nauwe gesciet wae(re) p(ro)ut etc(etera)?] lynt(re) prijke(re) januar(ii) xvi/