It(em) want jan melijs moelenpas jan va(n) schoete(n) en(de) jan/ goessens die alse ma(n)ne en(de) mo(m)boire hoirer wive dochtere(n)/ arts wilen melijs geleidt zijn tot den goede(n) des selfs/ arts op den dach va(n) hede(n) hadde doen inscrive(n) janne melijs/ hare(n) zwagher die hen aen de iii vierdegedeelte vand(er)/ have(n) hier na bescreve(n) ongebruyc maecte Inde(n) yerste(n) aen/ vi p(er)de x coeye xx v(er)ken(e) v bedde(n) met/ haren toebehoirte(n) It(em) ix leegh rinde(re) l scape ii wagen(e)/ met hare(n) toebeh(oirten) It(em) iiii ploege vi eeghden viii/ eere(n) potte(n) It(em) iiii panne(n) i dosine scotele(n) vi dobbelie(re)n/ It(em) i scapprede i scrijne ii zedele(n) It(em) vi drievoete(n)/ It(em) i disch i tafle met hare(n) scragen en(de) i lavoir/ Tot welke(n) dage de voirs(creven) jan melijs niet en comp(ar)eerde/ So hebbe(n) de scepen(en) va(n) loeven(en) ter manisse(n) smeyers gewijst/ voir een vo(n)nisse datme(n) de voirs(creven) iii p(er)sone(n) houde(n) sal inde/ macht van hoire(n) beleide va(n) de(n) voirs(creven) iii vierde gedeelte(n)/ der voirs(creven) have(n) also v(er)re dat noch voir scepen(en) come(n) es/ p(rese)nt(ibus) o(mn)ib(us) ja(nuarii) xvii/