SAL7342, Akte: R°257.2-V°257.1 (392 van 651)
Zoek akte
Vorige | Volgende
Akte R°257.2-V°257.1  
Act
Datum: 1448-01-28

Transcriptie

2018-12-13 door Pieter Soetewey
Het zijn come(n) in rechte voir meye(r) ende scepen(en) van loeven(en) vranc/
va.. vaes woenen(de) tast in deen zijde en(de) gord de grote sijn oem die/
na den rechte der stad van loeven(en) beleit es tot de(n) goede(n) have ende erve/
daneels grote(n) zijns vad(er)s en(de) oud(er)vad(er) des voirs(creven) vrancx in dande(re) alse van/
ii boende(re)n lants gelege(n) te wolveshem neve(n) de kercke ald(aer) [vacat]/
[vacat] de welke de voirs(creven) vrancke aensprack seggende dat/
hij ware wettich sone henr(icx) wilen va... vaes en(de) jouffr(ouwen) marie(n) wilen sgroete(n)/
zijns wijfs zuster des voirs(creven) gorts de grote vad(er)s des voirs(creven) g en(de) dat ter tijt/
als den huwelijc tusscen de(n) selve(n) vad(er) en(de) moeder toeghinc daneel de grote/
vad(er) des voirs(creven) gorts d(aer) de selve gordt zijn oem en(de) wile(n) jan de grote zijn/
broed(er) oec sijn oem mede en(de) bij ware(n) dat conse(n)teren(de) en(de) mede believen(de)/
geloofde ende in onderstande vande(n) voirs(creven) huwelike co(n)senteren(de) toeseyde/
dwelc was int jaer xiiii[c] xl xxiii dat de voirs(creven) wile(n) vrancke/
en(de) jouffr(ouwe) marie doen toecomen(de) gehuyssche na de doot vande(n) voirs(creven)/
daneele de(n) vad(er) vand(er) voirs(creven) jouff(rouwe) deyle(n) soude(n) en(de) hebbe(n) geheelijc/
hae(r) kintsgedeelte van allen de(n) goede(n) die de(n) voirs(creven) daneele toebehoirde(n)/
acht(er) hem blive(n) oft toecome(n) soude(n) in e(n)niger manieren van wat zijde(n)/
dat dat ware ende al waert dat de voirs(creven) jouff(rouwe) marie voir/
de(n) voirs(creven) daneele hare(n) vad(er) aflivich worde even v(er)re zij wettige/
geboirte achter haer liete so soude die een oft meer staen va(n)/
alle(n) de(n) goede(n) voirs(creven) in sij(n)re moed(er) stad dair voirt geloofde(n)/
de voirs(creven) vad(er) en(de) kinde(re) dat zij jege(n) de voirs(creven) huwelike vorwerden
//
ne(m)m(er)meer in nacomen(den) tide(n) come(n) doen noch wercken en soude(n) met/
gheenrehande bescudt brieve(n) noch ande(re)n manie(re)n die d(er) voirs(creven)/
huweliker vorwerde(n) contrarie drage(n) mochte(n) in e(n)niger maniere(n)/
welke poente(n) de voirs(creven) vrancke ond(er) meer ande(re) boot te thoene(n)/
hoopte waer hij die gethoene(n) conste aengesien dat de voirs(creven)/
wile(n) daneel sijn oud(er)vad(er) uut de(n) goede(n) voirs(creven) gestorve(n) ware/
als uut sijne(n) p(ro)pre(n) erve dat he(m) d(aer) ane sijnre moed(er) kinsgedeelte/
volge(n) soude op dwelc de voirs(creven) gordt dede v(er)antwerde(n) dat/
lange na den huwelijc voirs(creven) vander voirs(creven) zijnre suster met/
henr(ick) vaes de voirs(creven) ii boend(er) lants de(n) voirs(creven) wilen daneele/
zijne(n) vader toecome(n) en(de) v(er)storve(n) ware(n) van h(er) gorde vande(n) hove/
ridder en(de) d(aer) na so waer hij mette(n) voirs(creven) br(ieve) tot sijne(n) goede(n)/
come(n) en(de) beleidt uut de(n) welke(n) hem en(de) zijne(n) beleyde de voirs(creven)/
goede volge(n) soude(n) en(de) sculdich ware(n) te volge(n) en(de) en conste/
he(m) noch de(n) selve(n) sijne(n) beleyde gheen onstade gedoen aengesien/
dat des selve wile(n) sijn vad(er) billike(n) niet wech gegeve(n) en conde/
des hem niet toecome(n) noch v(er)schene(n) en was .. vande(n) welke(n) hij/
he(m) getroeste tot de(n) vo(n)nisse(n) vande(n) scepen(en) bieden(de) oec te thoene(n)/
dat tverschijne(n) va(n) desen goede(n) op de(n) voirs(creven) wile(n) sijne(n) vad(er) was na/
de doot der voirs(creven) jouff(rouwen) marie(n) moed(er) des voirs(creven) vrancx d(aer) om dat/
de he(re)n scepen(en) va(n) loeven(en) met hare(n) vo(n)nisse wijsde(n) beyde p(ar)tie(n)/
tot hare(n) thoenisse dair te(n) behoirlike(n) dage de voirs(creven) aenlegger/
thoende claerlijc met iii goede ma(n)ne(n) tgene des in sijnre voirs(creven)/
aensprake(n) verhaelt steet en(de) d(aer) na thoende de voirs(creven) gord/
verweerd(er) de ii poente(n) in sijne(n) v(er)antwerde(n) genarreert en(de) te(n)/
uterste(n) dat gehoirt zijnde wijsde(n) de he(re)n scepen(en) van loeven(en) ter/
manissen smeyers na aensprake v(er)antwerde(n) en(de) thoenisse voirs(creven) dat/
den voirs(creven) vrancke(n) vaes zijnre moed(er) kintsgedeelte inde voirs(creven)/
goede volge(n) soude p(rese)nt(ibus) py(n)noc miles abs(oloens) py(n)noc witte willemair/
ja(nuarii) xxviii
Nagekeken doorLieve Van Hoestenberghe , Jos Jonckheer
ModeratorLieve Van Hoestenberghe
Laatste update:: 2015-08-20 door Agata Dierick