SAL7342, Act: R°421.1 (644 of 649)
Search Act
previous | next
Act R°421.1  
Act
Date: 1448-06-21

Transcription

2020-06-04 by Pieter Soetewey
Op den stoet gepordt tussce(n) janne ha(n)narde [voir he(m)] en(de) wout(er) moreal in deen/
zijde stasse en(de) janne le mey gebruede(re)n metgad(er)s bernar huwelet die/
tot hare(n) goede(n) geleyt es in dande(re) om d(er) coste(n) wille va(n) getuge(n) en(de)/
and(er)s die elc van hen geleden hadde eer de voirs(creven) geleyde/
voir trecht te loeven(e) ov(er)gave(n) de sake inde(n) hof beslicht te w(er)de(n)/
es get(er)mineert want tselve ov(er)geve(n) wa(n)t tselve ov(er)geve(n) d(er) stad/
dunct onbehoirlijc gesciet zijnde gem(er)ct dat de voirs(creven) gebruede(re)/
nochta(n) jege(n)woirdich zijnde d(aer) inne niet en consenteerde(n) mair/
dat de voirs(creven) b(er)nar dat dede sond(er) hare(n) consente en(de) uut he(n)/
selve(n) dat zij d(aer) o(m)me de gelege(n)th(eit) va(n) dien op dat p(ar)tie(n)/
mynlijc niet en co(n)ne(n) v(er)lijke(n) te huerw(er)t behoudt om na reden(en)/
en(de) bescheit te beslichte(n) en(de) alse vande(n) voirs(creven) coste(n) dat de/
voirs(creven) jan [ha(n)narde] de(n) voirs(creven) ja(n)ne gebruede(re)n restituere(n) sal de helicht vand(er)/
getuge(n) coste(n) d(er) selver gebruede(re)n en(de) dat om deswille dat een/
genechte bij ocsuyne des voirs(creven) jans ha(n)narde verlingt werdt/
en(de) alse vande(n) coste(n) die de voirs(creven) jan ha(n)narde met sijne(n) mede/
geselle va(n) getuyge(n) en(de) and(er)s hebbe(n) gehadt dat hij die v(er)legge(n)/
sal en(de) insgelijcx sele(n) de voirs(creven) gebruede(re)n de verlegge(n) deen/
helicht van hare(n) getuyge(n) costen en(de) dat tot den eynde der/
p(ri)ncipaeld(er) sake(n) voirs(creven) act(um) junii xxi
ContributorsLieve Van Hoestenberghe
Moderated byLieve Van Hoestenberghe
Last update: 2015-08-21 by Agata Dierick