Vanden kercmeest(er)s van s(in)[t] jorijs werde/ Tvonnisse tusscen mathise [vacat] scaelgedecke(r) [in deen] ende henric de/ molde(r) ende janne van ophem alse kercmeest(ere)n van sinte jorijs w(er)de/ in dande(r) zijden alse vanden iii pet(er)s vi stuv(er)s die de voirs(creven) mathijs/ den voirs(creven) twe p(er)sone(n) eyscende was van pijne ende erbeide die/ hij gedaen soude hebben aen de voirs(creven) kercke en(de) de(n) selve(n)/ mathize noch gebraken vande(n) xxvi pet(er)s dair voe(r) tselve werck/ v(er)dinct dair jege(n) de voirs(creven) twe p(er)sone(n) in hue(re)n v(er)antwerde(n) ond(er)/ den ande(re)n seiden dat de voirs(creven) so(m)me van xxvi pet(er)s niet/ allene en wa(r)e pijne ende erbeit aengesien dat de voirscr(even)/ mathijs mids dier so(m)men moeste leve(re)n scaelgen latte(n) ende/ nagelen die meer dan den arbeit gedroege welke leveri(n)ge/ de voirs(creven) mathijs selve niet gedaen en hadde sunderlinge vande(n)/ voet latten die de voirs(creven) twe p(er)sone(n) selve hadden moete(n) becostige(n)/ dwelc zij op desen tijt liete(n) bestaen op hue(r) beloep ende alsoe/ seide(n) zij ten uuterste(n) dat zij de(n) voirs(creven) math(ise) de voirs(creven) xxvi pet(er)s/ wel en(de) wettelic betaelt hadden ende hem d(aer) af niet sculdich/ en wa(r)en p(rese)nte(re)nde des hue(re)n eed tot den welken bij vo(n)nisse/ d(er) scepen(en) worde(n) gewijst en(de) dair mede te gestaen die(n) zij acht(er)/ volgende den voirs(creven) vo(n)nisse gedae(n) hebbe(n) p(rese)nt(ibus) pynnoc abs(oloens) pynnoc/ witte winge willem(air) hortbeke junii xv