Cond zij allen lieden dat willem wout(er)s sone wilen laureys woenen(de)/ te wynge in p(rese)ncia heeft genome(n) en(de) bekindt dat hij genome(n)/ heeft va(n) janne de pape sijn gelege staende te wynge met alle de wynnen(de)/ lande [en(de) bogarde] d(aer) toe behoiren(de) houden(de) omtrint xiii(½) boend(er) paulo It(em) noch de/ helicht vande(n) nubeemde de helicht vande(n) p(ar)t eeussele metter/ helicht vander hoeven de helicht vand(er) nuwerstad en(de) de cluysbeemt/ geheel Te houde(n) te hebbe(n) en(de) te wynne(n) van halfm(er)te naestcomende eene(n)/ t(er)mijn va(n) sesse jare(n) d(aer) na sond(er) middel volgende Elcx jaers/ darenbinnen de voirs(creven) wynnende lande om xxii mudde corens en(de) een/ halster tarwe(n) elcx grains goet en(de) payabel der mate(n) van loeven(en)/ alle jare tsinte andriesmisse ap(oste)ls te betale(n) en(de) te loeven(en) te leve(re)n/ En(de) de voirs(creven) ande(re) goede voir xv hollan(dsche) gulden(en) alle jare ts(in)te m(er)tens/ misse te betale(n) q(uo)l(ibet) ass(ecutu)[m] It(em) es vorwerde dat de voirs(creven) wynne alle/[jare] tstroe vande(n) voirs(creven) goede comen(de) int voirs(creven) hof bringe(n) sal en(de) dat/ te meste make(n) en(de) dmest d(aer) af comen(de) op dlant vuere(n) tslants/ meeste(n) p(ro)fite en(de) de selve goede wel en(de) loflijc wy(n)ne(n) en(de) w(er)ve(n) gelijc/ reengenoten bove(n) en(de) benede(n) bij also wa(n)neer de voirs(creven) wy(n)ne de voirs(creven)/ goede hoervruchte(n) wilt dat hij dan sculdich sal zijn die te grave(n) oft/ te mesten It(em) sal de voirs(creven) wynne tsijne(n) lesten jare den wynt(er) aerdt/ besayt late(n) op iiii getidege vore(n) gelijc reengenote(n) en(de) de storte/ eens o(m)me gedaen En(de) oft de(n) selve(n) ja(n)ne gelieft so mach hij te(n) leste(n)/ jae(re) vande(n) voirs(creven) t(er)mijne eene(n) zaye(re) sette(n) en(de) dan sal de voirs(creven) wynne/ tsaet levere(n) en(de) jan de dachue(re)n betale(n) It(em) sal de voirs(creven) wynne alle/ jare int hof levere(n) iii[c] walme(re) om de huysinge d(aer) mede te decke(n)/ en(de) alsme(n) d(aer) dect oft plect so sal de voirs(creven) wy(n)ne capstroe ende/ verstroe leve(re)n en(de) dleem d(aer) toe halen en(de) de(n) wercliede(n) de(n) montcost/ gheve(n) en(de) jan de dachue(re)n betalen It(em) sal de wynne hebbe(n) half/ dooft ald(aer) wassende des sal hij janne sijn helicht [afdoen en(de)] te loeven(en) leve(re)n/ It(em) es vorwerde dat de voirs(creven) wynne binnen de(n) lesten twee jare(n) [de voirs(creven) lande] niet/ hoervruchte(n) en sal py(n)noc wynge aug(usti) q(ui)nta/