It(em) de voirs(creven) jannes van doirne heeft de(n) voirs(creven) willem(me) vand(er) moelen/ en(de) lucas va(n) heze te kinne(n) gegeve(n) dat meester gheert gorts deken/ van hilvarenbeke tot den goeden mathijs wilen van doirne zijns vad(er)s/ geleidt was dwelc behoeve(n) souden sijnen kinde(re)n geliker hant van onder/ de clercke dairt noch leecht te halen want wilen sijne(n) voirs(creven) vader/ geseecht was te gheve(n) dair o(m)me heeft gelooft de voirs(creven) jannes/ dat hij dat voir dat de gebode die de voirs(creven) ii p(er)sone hebbe(n) doen/ doen uut selen wesen gheenssins halen en sal noch doen hale(n) bij/ yemande van sijne(n) wege(n) soet na rechte behoire(n) soude en(de) oft/ hijt dade so heeft hij geconsenteert hen met hoirre waerscap van/ dien te behulpen des zij and(er)s om dies ongeriefs wille [niet en] soude(n) v(er)moege(n)/ te doene cor(am) eisd(em)