SAL7342, Act: V°261.2 (397 of 650)
Search Act
previous | next
Act V°261.2  
Act
Date: 1448-01-30

Transcription

2018-12-13 by Pieter Soetewey
It(em) om dat jan van cortenbach he(re) van helmont (et)c(etera) met der/
lester voirs(creven) gelofte(n) de voirs(creven) mychiele lobbe en(de) zijn/
voirs(creven) erve dair hij in gegoedt es geloeft co(m)m(er)loes/
te houden(e) van dien ix(½) gulden(en) pet(ers) jairlijker lijfrente(n)/
te(n) live waelrave(n)s van helmont mids dat bij aflivich(eit)/
des voirs(creven) jans van corte(n)bach oft oic bij sijne(n) v(er)trecke/
bute(n) lands [oft anders] de selve mychiel dair af mocht blive(n)/
op e(n)nige jaire(n) ongelost ende on onthave(n) soe eest/
dat h(er) lodewijc pynnoc ridde(r) nu t(er) tijt scepen(en) te loven(en)/
staende in yeg(enwoirdicheit) d(er) scepen(en) van loven(en) heeft geloeft den/
voirs(creven) mychiele eve(n) verre hij i hier inne gebrec/
hadde dat hij dan met de(n) beleide ond(er) ons staende/
aprilis xii[a] libro xxxiii[o] dwelc [oic] de voirs(creven) jan/
va(n) corte(n)bach dair toe geconsenteert onder ons te/
blive(n) staende ende de goeden beide have en(de) erve/
des voirs(creven) jans soe v(er)re behulpe(n) soude dat de/
voirs(creven) ix(½) pet(er)s jairlix betaelt soude(n) w(er)de(n) en(de) de voirs(creven)/
mych(iele) dair af en(de) van alle(n) coste en(de) co(m)me(r) van rechte/
die hij d(aer) o(m)me liden mochte onthave(n) en(de) gecuelt/
soude worde(n) alle argelist uutgesceiden cor(am) eisd(em)
ContributorsLieve Van Hoestenberghe
Moderated byLieve Van Hoestenberghe
Last update: 2015-08-20 by Agata Dierick