Tvo(n)nisse want jan ty(m)merman verwere op heden als geleit met scepen(en)/ brieve(n) van lov(en) tot allen den goeden jans diericx hadde doen/ inne stane(n) den selve(n) janne henricke van poederle mychiele/ vander berct beide van morchove(n) en(de) de kynde(re) jans wilen van/ bousdonck van noderwijc dien hem aende goede vors(creven) ongebruyc/ hier nae bescreve(n) ongebruyc dede Te weten aen (½) dach(mael) beems/ gelegen te morckove(n) inde vossbeemde tusschen de goede der/ cappelrien van morchove(n) en(de) henr(ickx) erve van kets Item aen/ ii boende(re)n eeusels gelegen aldaer tusschen de goede coels/ van poederle en(de) jans myelijs uutcomen(de) metten eene(n)/ eynde aende strate Item aen een stuck lants houden(de) (½) boend(er)/ gelegen te noderwijc tusschen de strate ald(aer) en(de) den b(er)tel/ velt beken Item aen eene(n) beemt geheten troedicken gelegen/ aldaer tusschen pete(re)n ty(m)mermans et lijsbeth yenten Tot/ welcken dage de vors(creven) p(er)sone niet come(n) en zijn/ noch tege(n) den vors(creven) janne ty(m)merman int recht geco(m)p(ar)eert/ Soe hebben de he(re)n scepen(en) van lov(en) t(er) manissen smeyers/ gewijst datme(n) den vors(creven) janne vande(n) vors(creven) goeden/ houden sal in zijne(n) beleide also v(er)re alst noch voe(r) de/ he(re)n scepen(en) van love(ne)n come(n) is p(rese)ntib(us) pynnoc milite abs(oloens)/ py(n)noc witte lynden wynge willem(air) julii viii/