Van janne pannesteert jacoppe/ del mans en(de) janne vlay/ Item uut dien dat gielijs van goerbroeck die naden rechte d(er) stat/ van loven(en) geleit is tot den goeden jans sweenkens van beckevoirt/ op in dijsendage lestleden hadde doen inne scriven janne pa(n)nesteert/ jacope del mans en(de) janne vlaye die hem afgepant hadden xi/ stucken horenveets op seke(re) gronde van erve dair op sij volghden/ metter bancken recht ende de selve gielijs alse ten verstreken(e)/ dage van rechte selve niet come(n) en is den vors(creven) iii p(er)sone(n) trecht/ versueckende Soe wert gewijst met vo(n)nisse d(er) scep(en)en van loven(en)/ ter manissen smeye(r)s wair de selve gielijs niet en quame noch/ hem en p(rese)nteerde ten rechte ten opstane vanden meye(re) en(de) der/ scepen(en) dat de vor(screven) drie p(er)sone hue(re) recht vort volgen/ souden inde banc dair zijt begonnen hadden eisd(em)/