Alse van den stoote opv(er)stae(n) tusscen danele(n) vande(n) warde he(re) vam/ m(er)beke (et)c(etera) in deen zide ende diricke(n) de voecht in dande(re)/ p(ri)ncipalic oirspronc nemen(de) van xl clinckarde(n) xl vleemsche(n)/ scilde lijfpensie(n) die de voirs(creven) dieric meynt te hebben en(de)/ te v(er)volgen na inhout van zeke(re) zijne(n) brieve(n) op de goede/ van court s(in)[t] steve(n)s dwelc de voirs(creven) daneel meynt/ meynt dat des niet zijn [en] sal bij zeke(re)n reden(en) die/ hij d(air) toe alleg(er)de Soe zijn de voirs(creven) p(ar)tie(n) van die(n) en(de)/ va(n) alle(n) ande(re)n eyschen die zij malcande(re)n tot opde(n) tijt va(n)/ nu eyschende moege(n) zijn d bleve(n) en(de) hebben hen/ gesubmittert in segge(re)n en(de) vrientlijke effene(re)n te wete(n)/ de voirscreven danel in mach(iel) abs(oloens) en(de) ja(n)nese vande(n) hove/ en(de) de voirs(creven) dieric in jacop ute(n) lyemi(n)gen en(de) he(re)n ja(n)ne/ vand(er) phalize(n) landeken In sulk(er) vuege(n) dat elc vande(n)/ voirs(creven) p(ar)tie(n) zijne(n) eysch malcand(er)ne segg(er)s in gesc(ri)fte ov(er)/ geven sal bynne(n) drie(n) dage(n) naestcomen(de) ende dair op/ elc van hen zijn v(er)antwerden insgelijx bynne(n) drie(n) dage(n)/ dair na ende alsoe sele(n) de segge(re)n dair uut en(de)/ and(er)sins informe(re)n en(de) hue(r) uutsprake doe(n) eendrechtelic/ op dat zijs eens zijn bynne(n) iiii dagen dair nae/ En(de) ofte zijs niet eens en ware(n) sele(n) zij alsdan t(er) stont/ de gesc(ri)ften van p(ar)tie(n) ov(er)geve(n) en(de) anders van hue(re)r oppune(re)? ov(er)geve(n)/ oft besegelt ov(er)sende(n) in hande(n) des edele(n) en(de) moegende(n) jonch(e)r/ jans he(re) tot wesemale (et)c(etera) die als ov(er)ma(n) zijn uutsprake/ tussce(n) p(ar)tie(n) sal doe(n) bynne(n) viii dagen v(er)volgende Ende/ oft e(n)nig(er) p(ar)tie(n) segge(re) gebrake soe sal de gene gebrec hebben(de)/ ene(n) ande(re)n gelijken ma(n) in die stad moege(n) neme(n) p(ro)mitten(tes)/ ende oft de voirs(creven) uutsprake bij segg(ere)n oft ov(er)ma(n) bynne(n) de(n)/ voirs(creven) tide niet en gesciede soe es bevorw(er)t dat p(ar)tie(n) dan/ sulle(n) stae(n) op hue(r) beloep van rechte alsoe zij dele(n) voe(r) de/ v(er)bonde en(de) tgene des bij segg(ere)n oft bij p(ar)tie(n) gesc(ri)ften v(er)talt oft/ begrepe(n) sal zijn dat en sal negee(n)re p(ar)tie(n) dair na inde(n)/rade rechte te stade(n) oft tonstade(n) come(n) m(er) sal dat worde(n)/ gehacht oft dese submissie(n) niet gesciet en(de) wae(re) p(ro)mitten(tes)/ ratu(m) (et)c(etera) cora(m) abs(oloens) lynt(er)e sept(embris) iiii[ta]

It(em) de voirs(creven) daneel in deen zijde en(de) de voirg(enoemde) dieric in dande(re) hebben duutsprake/ vande(n) seggers voirs(creven) verlinct xiiii nacht(e) lanc in ald(er) vuegen die op heden stont/ lomb(ar)t kersmake(re) sept(embris) xiii