Item al eest dat de voirs(creven) arndt de voirs(creven) geloefte vanden voirs(creven) goeden/ rinten en(de) chijse sympelijc ghedaen heeft soe eest nochtan vorweerde/ dat den brief dair af sal bliven liggende onder scepen(en) van loven(en)/ alsoe v(er)re het der geloeften van genoechdoen oft warendeerscape/ aengaet te dier meyni(n)ghen dat de vors(creven) arnt[jan van houthem noch sijn ore] hen dair met/ ny(m)mermeer behulpen en sal noch en zullen moegen het en wae(re)/ dat hem vanden vors(creven) arnde oft zijne(n) nacomelinge(n) oft e(n)nige(n) van sijne(n)/ oft hue(re)n weghen e(n)nighen stoet gedaen oft hynder aende vorscr(even)/ goede geslagen wae(r) in e(n)niger manie(re)n cor(am) eisd(em)