Item wouter vanden leempoele jan goerlaken henric hoest symoen/ nijs jan sijn sone wouter braecman marie vanden doirne/ jan ruelens jan vanden eynde en(de) jan vanden leempoele alle/ woenechtich onder de banc van he(re)nt in p(rese)ncien der scepen(en)/ van loven(e) gestaen hebben geconsenteert en(de) oppembaerlijc/ gewillecoert he(re)n janne kemel ca(n)nonc ts(inte) peters te loven(e)/ dat hij alsulken erfwech als leeght op sgruterbloc boven/ den roeselberch begynnende neven thuysken der weduwe/ claus wilen kemels vader des voirs(creven) [h(er)] jans en(de) gaende vandaer/ lanx de traelge te herent weert ane strecken(de) aenden wijng(ar)t/ jans vanden leempoele ter eend(er) zijden en(de) den goeden he(re)n/ jans voirs(creven) in dande(re) dat de voirs(creven) her jan dien wech vors(creven)/ also hij leeght te nyeute doen sal moegen wanneer dat hem/ gelieft Ende hebben bekint de selve p(er)sone dair inne/ niet meer rechts te hebben oft te behouden van dien behoerlic/ verthiden(de) Ende gelovende dair af den voirs(creven) he(re)n janne noch/ zijn naecomelinghe ne(m)mermeer aen te spreken te vexe(re)n noch/ te moyen bij hen selve(n) noch bij nyemande and(er)s in gheender/ manie(re)n in gheenen rechte gheestelijc noch weerlic mair/ altoes genoech te doene [p(ro)ut] cor(am) iud(oco) abs(oloens) et wynge nove(m)br(is) xxii

It(em) b(er)theelmeus en(de) jan vande(n) doirne gebruede(re)n hebbe(n) tselve geco(n)sent(eer)t en(de) gelooft uts(upra) wynge/ willem(air) dec(embris) xxix