Item nae dien dat voe(r) meye(r) en(de) scepen(en) van loven(en) te rechte come(n)/ zijn robbert tryppart als geleit tot den goeden jans wilen noel/ in deen zijde en(de) hubin mattelot in dande(r) alse van seke(re)n goeden/ die de vors(creven) hubin houden(de) was tonrechte also de vors(creven) robbert/ meynde en(de) de questie van dien bij vo(n)nissen der he(re)n scepen(en)/ van loven(en) inder stat hande geremitteert es gewijst geweest/ So heeft de rait vand(er) stat ten uutersten achtergelaten/ trigeur van rechte in desen beyde de p(ar)tien soe v(er)re onderwijst/ o(m)me volcomentlijc tusschen hen te appointeren van allen/ gescillen dair zij hen van hue(re)n gescillen hebben gesubmiteert/ ter uutspraken en(de) beslichte vanden raide vand(er) stat alse/ mynlijke effeners De welke beyde de p(ar)tien tot div(er)sen/ stonden in hue(re)n reden(en) aengelevert geseeght en(de) geprese(n)teert/ hebben dat robbert vors(creven) den vors(creven) hubin sal goeden en(de) erve(n)
//
uut machte vanden vors(creven) sijnen beleide in allen den goeden des vors(creven)/ wilen jans noel also wel in tghene dair tghedinge ov(er) is geweest/ tusschen p(ar)tien als in dande(r) die te h behouden en(de) te besetten/ erflijc opden co(m)mer en(de) last dair voe(r) uutgaende en(de) vortaen op/ sesse mudden rox erflijc der maten van loven(en) ha(n)nuyt die jan/ trippart dair aen behouden sal en(de) op seven mudden rox lijftochte(n)/ ten live jouffr(ouwe) yden trippart des vors(creven) robberts zuster/ Van welcken pachte en(de) lijftochten den yersten termijn vallen sal/ van sinte andries messe naestcomen(de) over een jaer en(de) niet/ eer Ende is voert der stat uutsprake bij alsoe oft hubijn e(n)nige van/ dien goeden naemals bedinghe te zijnen coste coste en(de) met/ rechte verlore den vors(creven) janne en(de) jouffr(ouwe) yden oft yeman(de)/ dien zij dair bij ordineren zullen geroepen zijnde met goeder/ conden dat dat verlies den selven p(er)sonen aen hue(re)n pacht/ na davenant vanden geheelen goeden afcorten sal ter ordina(n)cie(n)/ vander stat ten tijde zijnde Item is vort duutsprake dat/ alle [de] vors(creven) rinten vanden vors(creven) goeden gevallen tot sinte/ andries messe naestcomen(de) incluys volgen zullen den voirs(creven)/ robbeerde Item oft yemant e(n)nighe vanden selven goeden in/ pechtinghen hadde genome(n) en(de) men den termijn noch/ duerende metter waerheit bevonde dat dat stat/ grypen sal en(de) dat den pacht van sinte andries messe/ voertaen den vors(creven) hubijn volghen sal o(m)me dien te/ betalen den t(er)mijne also de(n) vors(creven) pacht en(de) lijftocht sal v(er)schijne(n)/ Item alse vanden costen bij beyden p(ar)tien in deser saken geleden/ es duutsprake dat de rait vander stat dien reco(m)penseert/ deen tegen dande(r) o(m)me elcker p(ar)tien dair af te draghen/ de last die zij dair af geleden mach hebben Act(um) in/ pleno consilio oct(obris) xxiii