Item everaert van wynge ende vranc willemair scepen(en) te/ loven(en) doen cont allen luden dat voir ons comen zijn jonch(e)r/ lyebrecht here tot meldert te buedinghen en(de) te vrodelinghen in deen/ zijde vrouwe marie van cortenbach weduwe her lodewijcx wilen/ pynnocx ridders met [ende] lodewijck pynnoc hue(re)n sone te voren uut/ hue(re)n broode gedaen met behoerliker manie(re)n in desen saken voir hem/ ende inden name van janne pynnock brueder des voirs(creven) lodewijcx den/ welcken de voirs(creven) vrouwe marie en(de) lodewijc geloeft hebben in/ desen te vervanghen in dande(r) Kynnende en(de) lijden(de) de voirs(creven) p(ar)tien/ dat zij in onderstande vanden houwelike getracteert en(de) volschiet/ tusschen den voirs(creven) jonch(e)r(e)n lyebrechte en(de) jouffrouwe katlijne(n) pynnoc/ dochter des voirs(creven) wilen he(re)n lodewijcx en(de) vrouwe marien toegeseeght/ en(de) geloeft hadden geloven en(de) toeseggen voe(r) hen hue(re)n erven en(de)/ naecomelinghen de pointen en(de) condicien hier nae bescreven Inden/ yersten heeft de voirs(creven) jonch(e)r lyebrecht innebracht en(de) gegeven/ in houweliker vorweerden metter voirs(creven) jouffr(ouwe) nkatlijnen zijnd(er)/ huysvrouwen alle en(de) yegewelcke zijn goede beruerlike en(de) o(m)beruerlike/ hoedanich die zijn oft met wat namen die genoempt moege(n)/ wezen het zij leen chijsgoede oft eyghen in huysen hoven/ wynnen(de) lande beempden eeuselen bosschen chijsen rinten pachten/ heerlich(eit) en(de) allen ande(re)n zijnen toebehoerten soe waer die belegen/ zijn opde condicie h(ier) nae bescreven Te weten(e) oft de voirs(creven) jonch(e)r/ lybrecht voir jouffr(ouwe) katlijnen aflivich worde sonder wettighe/ oer van hue(re)n live achter te laten dat dan de voirs(creven) jouffr(ouwe) ka(tlij)[ne]/ voir hue(r) duwarie en(de) inde stat vander selver sal staen op hue(r) vry(n)/ lantrecht in alle de goede des selfs jonch(e)r lyebrechts o(m)me die/ te hebben en(de) te gebruyken hue(re)n leefdach lanc ende oft hij alsoe/ aflivich worden(de) van hue(r) geboerte achter liete een oft meer dat/ de selve jouffrouwe katlijne in dien gevalle sal hebben voir hue(r)/ duwarie jaerlix wael bewezen en(de) veronderpant vanden selven goeden
//
twee hondert wilhelmus scilde hue(re)n leefdach lanc behoudelijc nochtan/ al hadde zij alsoe geboerte evenverre sij bleve sonder ande(re)n houwelic/ te doene en(de) hue(r) hielde bij hue(r) geboerte die sij alsoe vanden voirs(creven) jonch(ere)n/ lyebrechte hadde dat sij desen niet tegenstaende de selve hue(r) geboerte/[met hue(re)n goeden] int geheel soude bliven regerende met gaders eenen oft tween vrienden/ die de selve jonch(er) lyebrecht in sijnen testamente oft anderssins d(aer)/ toe sal willen ordineren Item is voert claerlijc ondersproken dat/ des voirs(creven) steet niet tegenstaende de voirs(creven) jonch(er) lyebrecht oft hem gelieft/ sal moegen disponeren van sijnen goeden van[tot]der so(m)men van hondert/ rynscher gulden(en) erfliker rinten te weten(e) lxxx dair aff aen sijne(n)/ natuerliken kynde(re)n en(de) xx daer af in almossen en(de) ter salich(eit) van zijnd(er)/ zielen en(de) niet daer boven bij alsoe oft jouffr(ouwe) katlijne van hem [wettige] geboerte/ hadde dat zij en(de) de selve geboerte de voirs(creven) lxxx r(ynsch) guld(en) aende/ selve bastarde sullen moegen lossen tallen tijden alst hen gelieft elcken/ pe(n)ninc daer af met achthien pe(n)ni(n)ge(n) en(de) met vollen rinten Item/ hebben de voirs(creven) vrouwe marie en(de) lodewijc hue(r) sone gegeven toege/ seeght en(de) geloeft in houweliker vorweerden en(de) ter stont taenverden/ den voirs(creven) jonche(re)n lyebrechte de goede geheten van moreaulsart ende de/ heerlicheit van seroulx metten torre(n) hoven wynnen(de) lande beempden/ eeuselen bosschen heyden chijsen pachten rinten molen geheten beucare/ en(de) allen hue(re)n toebehoerten alsoe de selve wilen her lod(ewijc) die aldair/ te houden plach opden co(m)mer en(de) last dair voir uutgaende Item acht/ guld(en) rijders der mu(n)ten (et)c(etera) erfliker rinten staende te quijten den pe(n)ni(n)c/ dair aff met achthien pe(n)ningen aen en(de) op seke(r) goede godfroets va(n)/boudeal bourdeal gelegen te dyoen ende oft die viii guld(en) rijders/ afgequeten worden soe is vorweerde datmen dan met dien pe(n)ninge(n)/ rinten van geliker natue(re)n coepen sal Item hebben de selve vrouwe/ marie en(de) lod(ewijc) [noch] gegeven en(de) geloeft den selven jonch(e)r(e)n lyebrechte/ met jouffr(ouwe) ka(tlij)[ne(n)] zijnder huysvrouwe(n) hondert guld(en) peters d(er)/ mu(n)ten ons gened(ichs) he(re)n (et)c(etera) erfliker rinten loflijc te bewijsen die te/ hebben naede doet der voirs(creven) vrouwe marien en(de) niet eer/ op alsulke condicie oft de voirs(creven) jouffr(ouwe) ka(tlij)[ne] voe(r) den voirs(creven) jonch(e)r/ lyebrechte aflivich worde sonder geboerte nae hue(r) te laten dat/ dan de voirs(creven) jonch(e)r lyebrecht voir sijn duwarie hebben sal sijne(n)/ lefdach lanc de voirs(creven) goede van moreaulsart en(de) van seroulx mette(n)
//
viii gulden(en) rijders te dyoen Item tot desen hebben de vors(creven) vrouwe/ marie en(de) lod(ewijc) hue(r) sone alnoch toegeseeght te gheven den voirs(creven)/ jonch(e)r lyebrechte met jouffr(ouwe) ka(tlij)[ne(n)] sijne(n) wijve twee/ hondert cronen der mu(n)ten sconinx van vrancrijke te weten(e)/ xxiiii stuv(er)s voer elcke crone gerekent te betalen bynnen twee/ jae(re)n naestcomen(de) te weten(e) elx sjaers een hondert alse v(er)volghde/ schout Welcke pointen alle en(de) yegewelcke vorweerden de/ voirs(creven) p(ar)tien geloeft hebben deen den ande(re)n te voldoene en(de) daer/ af behoerlike vesticheit te doene totter manissen des ghens/ die dair af gebrec hadde alle fraude en(de) argelist in desen uutge/ scheiden augusti iiii[ta]