Item uut dien dat claus de kersmake(re) die naden rechte der stat van loven(en)/ comen en(de) beleit es tot allen den goeden have en(de) erve gheerts vand(er) her/ vand(er) aa en(de) jouffrouwe johannen mijs zijnd(er) weerdinnen opden dach van/ heden metter stat open(en) brieve(n) gedierigheert en(de) behoe(re)nde gedierigheert/ te werden aenden schouth(eit) van lye(re) en(de) van contike opden dach van heden hadde/ doen inne scriven wille(m)me colebrant woenen(de) te lye(re) om deswille dat hij/ ongebruyck dede aen alle de selve goede ond(er) de selve twee officie(re)n gelegen/ Ende de selve willem te rechte niet comen en es So wijsden de vo(n)nissen/ der he(re)n scepen(en) van loven(en) datmen den vors(creven) clause den kersmake(re) vand(en)/ vors(creven) goeden houden soude in sijnen beleide also v(er)re alst noch voe(r)/ hen comen es P(rese)ntib(us) o(mn)ib(us) scab(inis) decembr(is) s(e)c(un)da