Vande(n) stote opv(er)staen tussce(n) henr(icke) witteman in deen zijde en(de) ja(n)ne/ blancart in dande(r) om de schout die de voirs(creven) henric woutere(n)/ wilen witteman des voirs(creven) jans voirsete sculdich bleve(n) soude zijn/ en(de) dat d(aer) aen cleeft hebbe(n) hen de selve p(ar)tien gesubmitteert/ in seggere(n) en(de) vriendelike yffeneren Te wete(n) de voirs(creven) henric/ in arnoldo kyp en(de) janne va(n) udekem en(de) voirs(creven) jan in gerardo/ van baussele en(de) henr(icke) de verme(re) in sulker vuege(n) dat yegelijc/ sijn saken in gescrifte(n) ov(er)geve(n) sal en(de) antw(er)de(n) in gescrifte d(aer) op/ de segge(re)n voirs(creven) hue(r) uutsprake doen selen tusscen dit ende/ kersmisse naestcomen(de) oft binne(n) viii dage(n) d(aer) na vo(n)nisse hale(n)/ voir scepen(en) va(n) loeven(en) gelijc oft met rechte bedingt ware/ p(ro)mitt(entes) ratu(m) m(ichaele) abs(oloens) roel(ants) no(vem)[b(ris)] xiiii