Tvo(n)nisse vanden gedinghe dat voe(r) meye(r) en(de) scepen(en) va(n) loven(en)/ gewijst is tusschen gielise damoisel als geleit tot den goeden/ have en(de) erve goffarts le charpenthir gerar en(de) willems sijnre/ kynde(re)n in deen zijde en(de) thyry paulus die voe(r) meye(r) en(de) scepen(en)/ van loven(en) opten xxvi[te(n)] dach novemb(ris) lestleden gegoet ende/ gheerft was inden goeden hier na bescreven van wille(m)me/ le charpentir geheten goffar die dair toe naden rechte van des(er)/ stat geleyt was ter ande(re) Te weten(e) in ii(½) dachmale beempts/ gelegen tsint jans gheest ter plaetsen geheten abron It(em) iii (½)/ dachmale lants gelege(n) aldaer Item in i(½) dachmale lants gelege(n)/ a tilhou Item in een dachmale lants a chappevail Item in i(½) dach(male)/ lants gelegen ter plaetsen geheten le val de jeu tusschen den goed(en)/ der he(re)n van chantrain en(de) willem lijsbeth Welke goede de vors(creven)/ gielis aensprac seggende dat hem en(de) sijnen scepen(en) brieven die/ sculdich wae(re)n te volghen want hij totten goeden svaders en(de)/ sijnen kynde(re)n geleit was en(de) meynde dat hem die te groete(n)/ laste stoet voer de vors(creven) vad(er) en(de) sijn kynde(re) soe aen woute(re)n/ dantijn dair aen hij hue(r) borge is voe(r) vier guld(en) rijders/ soe aen janne bieswail dien hij gelooft hadde voe(r) scepen(en) in
//
seke(r) goede voe(r) seke(r) schout die hij voe(r) den vors(creven) vad(er) en(de) sijn kynde(re)/ betaelt hadde te goeden en(de) dat hij inde macht van sijnen scepen(en)/ brieven sculdich wae(re) te bliven totter tijt dat hem sijnen last/ afgedaen sal zijn en(de) dat gedaen en(de) hem opgeleecht zijnen cost/ en(de) co(m)mer gedragen(de) omtrint x guld(en) pet(er)s also hij dien groetste/ p(rese)nteerde hij de hant te lichten Seyde oec dat de voirs(creven) dierick/ die v(er)re binnen coops hadde gegeven gecrege(n) en(de) dat hijte(n) waerscuwede/ als hij de guedinge ontfinck op dwelc de voirs(creven) dierick he(m) v(er)ant/ werdende meynde dat hem die aensprake en(de) al des d(aer) in v(er)haelt/ ware gheen onstade doen en soude want zijn scepen(en) brieve ouder/ waren en(de) alsoe ware(n) hem en(de) sijnd(er) guedingen na der stad recht/ de voirs(creven) goede sculdich te volgen des hij hem getroest tot den/ rechte P(rese)nteren(de) te(n) ut(er)sten datme(n) he(m) opleyde zijn pe(n)ni(n)ge die/ hij voe(r) de voirs(creven) goede gegeve(n) hadde en(de) cost en(de) co(m)mer hij woude/ dair mede te vreden zijn Wert gewijst met desen woerden na/ aensprake en(de) v(er)antwerde(n) va(n) beyde de(n) p(ar)tien dat de(n) voirs(creven)/ diericken en(de) zijnd(er) guedinge(n) de voirs(creven) goede volge(n) soude(n) op/ de p(rese)ntacie die de voirs(creven) dierick gep(rese)nteert hadde p(rese)nt(ibus) o(mn)ib(us)/ dempt(is) abs(oloens) abs(oloens) ja(nuarii) xvii