SAL7347, Act: R°382.3 (632 of 746)
Search Act
previous | next
Act R°382.3  
Act
Date: 1454-05-16

Transcription

2019-06-21 by Magda van Winkel
Item de voirs(creven) gehuyssche hebben den voirs(creven) brief der vors(creven) m(ar)grieten/
bekint te dier meyningen oft geboerde dat de vors(creven) marie de moed(er)/
aflivich wordde voer den vors(creven) janne lambrechts hue(re)n stiefvader/
dat dan de vors(creven) m(ar)griete den selven hue(re)n stiefvader met desen/
brieve bedwingen soude dat hij hue(r) ter stont na hue(r) moeder/
doot soude moeten deylen alle de beruerlike goede diese/
beyde te samen alsdan souden hebben en(de) besitten alsoe wale tghene/
des zij mocht meyne(n) dat dair wae(r) van vliegende erve van/
hue(re)n vader bleven als anders en oftse van hem tselve vliegende/
erve versochte met rechte te crigen dat zij in dien gevalle/
hue(r) met desen brieve niet behulpen en soude moghen/
in gheend(er) manie(re)n cor(am) eisd(em)
Contributorskristiaan magnus
Moderated bykristiaan magnus
Last update: 2016-04-13 by kristiaan magnus