It(em) vande(n) gedinge dat voer meye(r) en(de) scepen(en) van loeven(en) geweest es tussce(n) jaq(ue)mart/ toussain als aenlegge(r) in deen zijde en(de) ja(n)ne sluysman verweerde(r) in dande(r) alse vand(en)/ warandeerscap vande(n) huyse en(de) der bruca(m)me(n) geheete(n) de(n) blauwe(n) oedevae(r) gelege(n) inde/ biesstrate die de voirs(creven) jaq(ue)mar tege(n) den voirs(creven) ja(n)ne sluysma(n) voermaels gecocht heeft/ en(de) die hem opde weerde van iiii guld(en) rijd(er)s bijde(n) selve(n) sluysma(n) als voe(r) de(n) chijs d(aer) voe(r)/ uutgaen(de) gewarandeert es in dwelc de voirs(creven) jaq(ue)mar gebrec bevond(en) heeft alsoe hij/ meynt want hij v(er)mat hem te thoene(n) dat de p(ar)tijen hier nae genoemt d(aer) op hadden/ en(de) heffen(de) wae(re)n de porceele(n) h(er) nae verclaert Te weten(e) jacoppe pynnoc d(aer) op hebben(de)/ i(½) rinsche guld(en) en(de) (½) oud(en) gr(ote) Ite(m) derfgename(n) willems wile(n) va(n) buetsele desgelijcx/ i(½) rinsche guld(en) en(de) (½) oud(en) gr(ote) Ite(m) danckart willems i guld(en) motton Ite(m) tgoidshuys/ vand(en) wittevrouwe(n) de tweedeel va(n) i oud(en) gr(ote) en(de) ii cappuyne It(em) de cap(it)le va(n)/ s(in)te pet(er)s te loeven(en) i guld(en) rijd(ers) gelijc hij dat soe mette(n) scepen(en) brieve(n) en(de) den/ chijsboeke(n) d(aer) af zijnde opde(n) dach va(n) hede(n) als dach va(n) thoene(n) voer hem dienen(de)/ d(aer) de voirs(creven) sluysma(n) niet tegen en qua(m) meckelijc bewijsde en(de) thoende d(aer) toe met/ roelofve vander elst de(n) jonge(n) rintmeest(er) vande(n) voirs(creven) goidshuyse vande(n) wittevrouwe(n)/ en(de) vrancken moens rintmeest(er) vand(er) voirs(creven) cap(it)len dat zij de p(ar)tien voirs(creven) den voirs(creven)/ goidshuyse en(de) caplen cap(it)len toebehoe(re)nde elc int zijne vande(n) voirs(creven) goede(n) gehaven/ hadden alsoe lange zij gedient hadden welke(n) p(ar)tijen alsoe hij seyde hog(er) gedroegen/ dan de weerde va(n) iiii rijd(er)s voirs(creven) bij de(n) welke(n) hij v(er)sochte he(m) tsurpl(us) va(n) dien/ afgedaen te werdde(n) Wert gewijst te(n) uut(er)sten nae aensprake v(er)antw(er)de(n) ende/ thonisse des voirs(creven) jaq(ue)marts dat de voirs(creven) sluysma(n) gehoude(n) zijn soude de(n) voirs(creven)/ jaq(ue)mair van sijne(n) gebreke t(er) goeder rekeni(n)gen te co(n)tente(re)n nae dat de waerh(eit)/ gedragen hadde p(rese)ntib(us) roelants vynck lyntre meersberge januar(ii) xv