Alsoe als nae sekere uutsprake bijden raide vand(er) stat/ hier voermaels ghedaen ende uutgesproken tusschen den/ eerweerdighen hee(r) m(ijn) hee(r) dabt des godshuys van sinte/ mychiels tantwerpen in deen zijde ende janne sanders/ in dande(r) Op seke(r) gescille tusschen hen uutstaende vanden/ goeden gheheten bavesande en(de) claesborne ghelegen inde p(ro)chie/ van rumpst wedero(m)me de selve p(ar)tien dissencie hebben gehadt/ ende in diversen versty(n)nissen ende voernemen der selver/ uutspraken zijn ghevallen alse vander hoffguedinghe der/ vors(creven) goede die de vors(creven) jan vanden vors(creven) goodshuyse begheerde/ te hebben Item vanden principalen loven(sche) brieven vand(er)/ guedinghen des(er) goede de welcke de vors(creven) jan begheerde/ over te hebben Item vanden brieven van confirmacien des/ abts van p(re)monstreit als vanden vercoope des(er) goede dair/ inne gheenen daet begrepen en was Item vand(en) gevallen(en)/ paymente(n) die de [vors(creven)] jan den vors(creven) godsh(uys) van desen goeden sculdich is/ en(de) vortaen sullen vallen na begrijp des tractaes tusschen de vors(creven)/ p(ar)tien hier op gemaect en(de) vort vand(er) vestich(eit) die de vors(creven) jan uut/ des vors(creven) godsh(uys) scepen(en) brieven van desen goede begheerde te/ hebben Soe es op dese pointen bijden raide vand(er) stat p(ar)tien/ tot beyden sijden in hue(re)n opynien gehoert ov(er)dragen en(de) verclaert/ des hier nae volght Yerst op dierste point vand(er) hofguedi(n)gen/ die de vors(creven) jan van desen goeden begheerde dat de vors(creven) vand(en)/ godshuyse inde hof guedinghe den vors(creven) janne te doene niet/ gehouden sijn en zullen Item als vanden principalen brieven/ vand(er) guedinghen des voirs(creven) godshuys so wert ov(er)draghen/ datmen de selve brieve vand(er) guedinghen dupliceren soude/ en(de) alsoe eenen yegeliken vanden vors(creven) p(ar)tien sijn behoefte/ dair af gheven Item als vanden brieven van (con)firmacie(n)/ des abts van premonstreit wert geclaert dat godsh(uys)/ van s(int) mich(iel) vors(creven) die soude doen datteren vanden
//
selven clerc diese hadde gescreven Ende vort dat de vors(creven)/ jan bynnen acht daghen naestcomen(de) den vors(creven) godshuyse/ goede vestich(eit) doen soude vanden payementen deser goede/ nae begrijp vanden tractate te betalen die ghevallen zijn/ te bamisse naestcomende en(de) dande(r) als die vallen zullen It(em) als/ vand(er) guedingen uut scepen(en) brieve(n) van lov(en) die de vors(creven) jan oic/ begheert hadde wert ov(er)dragen dat tgodshuys gestaen soude/ metter ov(er)dracht die tvoirs(creven) godsh(uys) vand(en) vors(creven) goeden voe(r) scepen(en)/ van loven(en) ap(ri)lis xxi a(nn)[o] xiiii[c] lii et v hadde gedaen act(um)/ cor(am) kersmake(re) willem(air) et plurib(us) aliis de (con)silio aug(usti) ult(ima)