Item also m(ar)gariete weduwe jans wilen de vijt come(n) es clachtich/ bijden raide vand(er) stat te kynnen gheven(de) dat zij tegen arnde van thienen/ gehuert hadde een huys geheten den stoer gelegen opde vischmerct/ te loven(en) naest den huyse wilen robbeert henricx aldair Welc/ huys also v(er)gaen en(de) qualic gehouden was ond(er) ende bove(n) dat/ sij dair inne niet gewoenen en conste en(de) dat zij dat hanteerde/ met hue(re)n booden en(de) die d(aer) inne quame(n) in vreesen van hue(re)n live/ oft leden hue(r) des getroesten(de) totter vysentacie(n) vand(er) stat meeste(re)n/ en(de) werclieden bege(re)nde oft sulc bevonden wordde dat sij der hue(re)n/ en(de) der vorweerden vand(er) hueringen hier af metten selven arnde/ gemaect ontslagen mocht wordden also sij hoepte dat billeken/ behoerde Nae dat hem hier op de vors(creven) arnt met alrehande/ reden(en) v(er)antweerde meynen(de) dat [men] dopdoen der vors(creven) weduwen ten/ waerheit alsulc niet veinden en soude so wert ten uutersten/ bijden raide vand(er) stat ov(er)dragen en(de) get(er)mijneert voe(r) reden(en) en(de)/ recht zunderlinge na gheen [tgheene] des de stat meeste(re)n die dit huys/ te bevele vand(er) stat hier o(m)me visenteerden ov(er)brachten dat/ de vors(creven) weduwe tallen tijden met v(er)seten(en) tijde d(er) vors(creven)/ hueringen ongelast en(de) ongehouden soude mogen wesen p(rese)ntib(us)/ kersmake(re) willem(air) et plurib(us) aliis de (con)silio sept(embris) ii