Item achtervolgende de(n) compromisse onlanx leden gepasseert voe(r)/ scepen(en) van loven(en) begrepen tusschen henricke witteman in deen/ sijde en(de) janne blackart als man en(de) momboe(r) jouffr(ouwe) heylwighen/ sijns wijfs in dande(re) hebben de segge(re)n inden selven compromisse/ genoempt hue(r) uutsprake eendrechtelic gedaen inder/ manie(re)n hier navolgen(de) en(de) v(er)claert yerst als vander schout/ die jan blanckart met sijnd(er) huysvruwen yesschen henricke/ witteman van wegen wouters wilen witteman Es duutsp(ra)ke/ evenverre jans wijf den eedt doet dat wout(er) wilen/ wittema(n) woute(re)n sijnen natuerliken sone en(de) hue(r) ter tijt/ als hij aflivich wert sculdich was en(de) sculdich bleef de/ so(m)me van inden eysch begrepen en(de) vi goede ma(n)nen hue(re)n/ eedt volghen also dat behort na dooder hant dat dan/ henric [witteman] janne blanckart dair af betalinge doen sal/ Item vander schout die jan blanckart met sijnen wine/ eysschen henricke witteman van scoude van die de selve/ henric hem sculdich soude sijn is duuytsp(ra)ke op dat/ henric witteman den eedt doot die hij in sijnen/ antworden p(rese)nteert dat hij dan van dien ongehoud(en)/ sijn sal Item vanden vier peters oft dair omtrent/ die henric wittema(n) eyscht janne blanckart als mo(m)boe(r)/ sijns wijfs is duuytsprake dat jans wijf kyesen/ sal den eedt die henric deilt te gheven oft te/ nemen cor(am) abs(oloens) abs(oloens) dec(embris) xxix