Item arnt vander borch natuerlijc sone wilen arnts vand(er) borch in p(rese)ncia/ heeft gekint en(de) gelijdt openbaerlijc voer hem zijne(n) erf erven en(de)/ nacomelingen dat alsulken want oft gestijpte als de vors(creven) arnt heeft/ doen setten opden muer achter thuys henrici vasont clercx gelegen/ inden cro(m)men wyerinc tusschen [neve(n)] de(n) goede(n) des selfs arnts en(de) katlijne(n) van thinnen beghynnen(de) achter aen deynde vanden selven huyse en(de)/ strecken(de) also achterweert tot opde dyle omtrent xxx voete/ lang aldaer gesedt en(de) gemaect is ter beden en(de) ernstiger beg(er)ten/ des vors(creven) arnts en(de) dat die niet langer staen en sal noch sculdich/ en is te stane dan den vors(creven) henr(icke) vasont oft sijnen nacomelinge(n)/ sal gelieven cor(am) vync lynt(re) aug(usti) xxiii