Cont sij allen lieden dat jan henriot van sint jansgheest in p(rese)ncia/ heeft genomen en(de) bekint dat hij genomen heeft van janne van/ coelen sone wilen arnts de goede des selfs jans gelegen inde/ prochie van sint jansgheest ende dair omtrent in wynnen(de)/ lande met hue(re)n toebehoerten gelic hij die tegen henr(icke) van/ gorshem en(de) jacope van nuysberge erflic gecregen heeft/ en(de) gelijc willem godfroit die selve lande aldair te pachte/ gehouden heeft uutgenomen de huysinghe met hue(re)n toe/ behoerten dair inne de selve wynne nu gheen recht/ hebben en sal Te houden te hebben en(de) te wynnen van halfmerte/ dat wesen zal int jaer xiii[c] lv eenen termijn van xviii jae(re)n/ lanc deen na dande(r) sonder middel vervolgen(de) elx jaers dae(re)nby(n)ne(n)/ o(m)me en(de) voe(r) thien mudden tarwen en(de) thien mudden rox beyde/ goet en(de) payabel met wanne en(de) vlogelen wel bereit der/ maten van thienen te weten vi halste(re)n d(er) selver maten voe(r)/ elc mudde gerekent tsint andriesmesse apostels te betale(n)/ en(de) te loven(e) ter woeni(n)gen des voirs(creven) jans [van colen] te leve(re)n alle jae(re)/ den vors(creven) t(er)mijn due(re)nde op cost des vors(creven) wynnen uutgesceid(en)/ als hij corens levert dat de vors(creven) jan van colen zijnen p(er)den/ hoy gheven zal quolib(et) ass(ecutu)[m] Item sal de vors(creven) jan den vorscr(even)/ wynne als hijt begheert borgen en(de) uutsetten vijf mudden/ vanden vors(creven) pachte te weten(e) iii mudde tarwen en(de) ii mudd(e)/ rocx vanden eenen jare totten ande(re)n Item sal de vors(creven) wynne/ de vors(creven) goede bynnen den vors(creven) t(er)mijn tweewerf wel ende/ loflic overmesten Ende es vorweerde dat de vors(creven) wynne/ op dleste jaer vanden vors(creven) t(er)mijn de vors(creven) goede also wy(n)ne(n)/ en(de) besayen zal dat dair op alsdan ter goeder rekeni(n)gen knape(n)/ prise wassen sallen sullen xl mudd(en) elx nade gelande vanden/ pachte vors(creven) en(de) so waer dair myn op wiese dat dat de vors(creven)/ wynne den vors(creven) henricken en(de) jacope [janne van colen] verguetsen en(de) voldoen/ zal ende wart dat dair meer op wise wiese dan xl mudd(en)/ der maten van thienen vors(creven) gelijc vors(creven) is dat soude de wy(n)ne/ vors(creven) behouden Item sal de vors(creven) wynne alle den chijs en(de) pacht/ en(de) co(m)mer uuten vors(creven) goeden gaende jaerlix den vors(creven) t(er)mijn/ due(re)nde betalen sonder afslach vanden vors(creven) pachte Item oft geboerde/ dat bij gebreke van betalingen vanden vors(creven) chijse en(de) co(m)mer e(n)nige/ scade gesciede oft geviele dat dan de vors(creven) wynne die scade en(de)/ cost bet(alen) en(de) oprichten sal de(n) vors(creven) ja(n)ne va(n) colen Ite(m) sal de vors(creven)/jan wynne op dleste jaer vanden vors(creven) t(er)mijne de brake aldair/ voir halfmerte late(n) omgedaen op een vore en(de) iii boend(er) stortten oic/ eens omgedae(n) d(aer) ja(n) va(n) colen hem die wisen zal En(de) alle dese vorw(er)d(en)/ hieraf es borge des vors(creven) wynne jan brombaix p(ri)m[(us)] abs(oloens) opp(endorp) ja(nuarii) xxviii