Op den stoot die geweest heeft voir meye(r) en(de) scepen(en) va(n)/ loeven(e) tussce(n) jannes vande(n) hove die gevo(n)niste heeft zeke(re) scep(enen)/ brieve va(n) loeven(e) op pete(re)n de ridde(r) begripen(de) dat hij den/ voirs(creven) ja(n)nese hofguedinge doen soude va(n) sesse pet(er)s erflik(er) rinte(n)/ aen en(de) op alrehande goede en(de) ond(er)pande die ware(n) aert goes/ gelege(n) te morchove(n) en(de) d(air) omtrint Dair af de voirs(creven) pet(er) meynde/ ongelast te blive(n) bij dien dat hij gheen erfman vande(n) goede/ en ware Oec hadde de voirs(creven) ja(n)nes alsoe hij seyde de voirs(creven) goede/ aenveerdt die v(er)pacht en(de) uutgeg(even) na zij(n)re geliefte(n) en(de) e(n)nige/ d(air) af voir gebreck va(n) co(m)me(r) laten uutwy(n)ne(n) Dair jege(n) de/ voirs(creven) ja(n)nes replice(re)nde seyde dat hij de voirs(creven) goede and(er)s niet/ aenveerdt en hadde dan alse die bleve(n) liggende ongeboudt dat/ hij doen t(er)tijt tot de(n) uutgeven(en) (con)sent droech va(n) welke(n) questie(n)/ de sake in hande(n) vand(er) stad geremitteert werdt Is ten/ ut(er)ste(n) get(er)min(er)t en(de) uutgesproke(n) voir recht dat de voirs(creven) pet(er)/ gehoude(n) zijn sal de(n) voirs(creven) ja(n)nese te voldoene dinhout vand(er)/ voirs(creven) geloften oft d(air)af zijne(n) moet gec(ri)gen t(er) ordinan(cien) vand(er)/ stad rade Behoud(elic) dat pete(re)n tafslage sal come(n) tgene des/ de uutgewo(n)ne(n) goede zijder d(er) tijt dat de voirs(creven) ja(n)nes die in/ pechtinge(n) uutgaf beter zijn dan de(n) co(m)mer d(air) voir die uut/ gewonne(n) worden t(er) estimacie(n) vande(n) scepen(en) der banc d(air) die gelege(n)/ zijn act(um) in pleno (con)silio junii xx