Het zijn come(n) in rechte voer meye(r) en(de) scepen(en) va(n) loeven(en) her godscalc van/ marilez prochiaen van sinte andriesberge en(de) met hem merten lesq(u)wier inde(n)/ name en(de) van wegen d(er) kerken van sinte andriesberge en(de) tgasthuys van/ gesteal in deen zijde en(de) henr(ic) coulon die met middele va(n) zeke(re)n scepen(en) brieve(n)/ va(n) loeven(en) en(de) bij machte hem gegeve(n) vand(en) weduwe(n) henricx wijle(n) vand(en)/ boirne geleit es totte(n) goeden henricx vlemi(n)cx des jonge(n) in dande(re) alse/ vand(en) goede(n) genoteert acht(er) dese(n) vo(n)nisse Welcke goede de voirs(creven) her/ godscalc en(de) merten nae dat de voirs(creven) henr(ic) v(er)socht hadde van dien inde/ macht va(n) zijne(n) beleide gehouden te wordden aenspraken Seggende/ dat zij die van wege(n) d(er) kerke(n) [en(de)] tgasthuys voirs(creven) uutgewo(n)nen hadden/ met allen poente(n) van rechte nae d(er) bancken recht d(aer) ond(er) die gelege(n)/ wae(re)n Dwelc den voirs(creven) reyne(re)n gecu(n)dicht was dat de voirs(creven) h(er) godscalc/ en(de) merte(n) boden te thoenen met scepen(en) brieve(n) vand(er) selv(er) banck hoopen(de)/ waer zij dat principalijc en(de) oic e(n)nige ande(r) pointe(n) tot hue(re)r aensprake(n)/ dienen(de) gethoene(n) conste(n) dat hen de voirs(creven) goede tot behoef en(de) inde(n)/ name als voe(r) volgen soude(n) ende dat de voirs(creven) henr(ic) coulon met zijne(n)/ scepen(en) brieve(n) voirg(eruert) d(aer) aen v(er)doelt soude zijn Op dwelc de voirs(creven)/ henric coulo(n) hem v(er)antweerden(de) dede seggen dat hem die aensprake/ gheen ontstade doen en soude hem en soude(n) volge(n) de voirs(creven) goede/ opde p(rese)ntacie die hij dede va(n) te betalene de p(ri)ncipale rinte vand(en)/ voirs(creven) kerken en(de) gasthuyse met laste en(de) co(m)me(r) d(aer)op v(er)loopen nader/ bancken recht want hij boot te thoenen oft zijn wed(er)p(ar)tijen hem ontkinne(n)/ wouden dat nad(er) bancken recht p(ar)tijen uut alsulken goede(n) alsoe gewo(n)nen/ sijnde binne(n) eene(n) oft oic meer jae(re)n totte(n) goeden wed(er) come(n) mochte(n) en(de) oic/ sculd(ich) wae(re)n d(aer)toe wed(er) te comen op dat zij voldeden des hij hier voer/ gep(rese)nteert heeft met scepen(en) vand(er) selv(er) banck hopen(de) waer hij dat gethone(n)/ conste dat hij d(aer) op d(er) aenspraken ongehoude(n) zijn soude Alsoe dat hier/ op nae aensprake v(er)antweerden en(de) thonisse des voirs(creven) henricx gehoirt zijnde
//
die zijns v(er)meets niet en volquam de he(re)n scepen(en) van loeven(en) gewijst hebbe(n)/ voer een vo(n)nisse dat de voirs(creven) henric coulon met sijne(n) beleide aen dese/ goede v(er)doelt es p(rese)ntib(us) om(n)ib(us) scab(in)is dempto m(er)cels aug(usti) xx/ Dit zijn de goede/ Inden yersten een boend(er) lants geleg(en) inde voirs(creven) p(ro)chie opde(n) wech van/ troyeset It(em) vii vierdeel lants geleg(en) ald(aer) neve(n) den goede(n) d(er) erfgename(n)/ herart heylirot It(em) vii dach(malen) noch ald(aer) opweert vii dachmalen lants/ in eene(n) stucke tusschen den goeden g des gasthuys van gesteal/ It(em) noch opweert i dachmale lants geheten le marleys journal/ gelege(n) ter vors(creven) plaetsen tusschen de grecht vand(en) vors(creven) gasth(uys)/ It(em) boven les eywiez (½) dach(male) lants gelegen tusschen de goede/ van roy It(em) ter selv(er) plaetsen i dach(male) lants in ii stucken tusschen/ dhalf boend(er) lants henricx le bonier It(em) opweert gelegen/ iii vierdel lants bijd(er) sart tusschen den vors(creven) henr(icke) le bonier/ It(em) iii vierdel lants gelegen tusschen de bossche aldaer It(em)/ iiii dachmalen lants gelegen ter plaetsen gehete(n) crueset a/ gros bo(n)ne tusschen de goede goffarts prodhom It(em) iii vierdel/ lants ter selv(er) plaetsen gelegen It(em) i(½) dach(male) lants gelegen/ aldaer opden wech van crueset te torrebaix It(em) ond(er) torp/ van gesteal gelegen iii vierdel lants ter plaetsen geheten/ le preit al pree It(em) int dal van croeset v d vierdel lants/ gelegen tusschen de goede her godscalc de marilles/ It(em) ii vierdel lants gelegen opden plain van crueset tussche(n)/ den wech van crueset Item v d vierdel lants gelegen/ aldaer tusschen den goeden jans gehete(n) gros jehan Item i/ vierdel lants gelegen ter plaetsen gehete(n) cultures Item/ v dachmale(n) lants gelegen te francklez tussche(n) den bosch/ her godscalcx vors(creven) Item i dach(male) lants gelege(n) aldaer tussche(n)/ de goede geheten roy Item (½) dach(male) lants gelegen opden wech/ van p(er)weys te rosieres Item i dach(male) beemps gelegen ter/ plaetsen gehete(n) al scal sals ter plaetsen geheten al staiche It(em)/ i dach(male) lants in ii stucken gelege(n) ter plaetsen geheten cortieseal/ jehan du chezne It(em) int dal van torrebesoul i dach(male) lants/ tusschen den goeden vand(en) vors(creven) gasthuyse gelegen It(em) (½) dach(male)/ lants ned(er)werts gelegen tusschen den goeden he(re)n godescalx/ vors(creven) It(em) int dal van crueset i dach(male) lants gelegen/ tusschen den goeden ernarts de molebaix It(em) d(aer) bij i(½) dach(malen)
//
lants gelegen tusschen ja(m)marde le bonier Item v vierdel lants gelege(n)/ aldaer opwerts tusschen den vors(creven) ja(m)marde It(em) v vierdel lants/ gelegen inde velde van bo(m)male tusschen den p(er)soen van bo(m)male/ It(em) i vierdel lants d(aer) bij gelegen tusschen den goeden van sinte/ katlijnen vand(en) berghe Item iii dach(malen) lants gelegen t(er) plaetsen/ geheten les faijs tusschen m(er)ten(e) van gesteal It(em) i boend(er) lants/ gelege(n) aldaer opwerts tusschen derve van roy It(em) iii dach(malen)/ lants d(aer) bij gelegen op den wech van gesteal te geldenake weert/ It(em) i dach(male) lants gelegen te ranisserouwe ranisseroulle opden/ voetpat van raniede It(em) i vierdel lants dair bij geleghen/ tusschen den goeden mertens van ghesteal Item i(½) dach(male) lants/ gelegen ter plaetsen geheten az coulturez dandenne It(em)/ d(aer)bij v vierdel lants gelegen ter plaetsen geheten al bikeu/ tusschen janne van bomalle Item daer bij gelegen drie/ vierdel lants gelegen ter plaetsen geheten az coulture da(n)dene/ Item i dach(male) lants ter selv(er) plaetsen gelegen It(em) vi dach(malen) lants/ gelegen ter plaetsen geheten a mespukains tusschen derfgename(n)/ wouters bodar It(em) v een dach(male) en(de) (½) lants gelege(n) opden wech/ van crueset tusschen de goede yernals de molebaix