It(em) uut sake(n) vande(n) gedinge hangen(de) voir meye(r) en(de) scepen(en) va(n) loeven(en)/ tusscen ja(n)ne coulon als aenlegge(r) in deen zijde en(de) ja(n)ne va(n) bo(m)male/ in dande(re) dair beyde de p(ar)tie(n) staen op hue(r) thoenisse so es come(n) voir/ scepen(en) va(n) loeven(en) de voirs(creven) jan en(de) heeft gekint en(de) gelijdt dat/ hij getroudt heeft marien va(n) kessele docht(er) claes wile(n) va(n) kessele/ en(de) dat hij na doot vande(n) voirs(creven) clase en(de) wilen/ zijns wijfs die de leste levende was de have ende erve/ aenveerdt heeft opp(endorp) velde oct(obris) t(er)tia