SAL7348, Act: V°132.2-R°133.1 (239 of 663)
Search Act
previous | next
Act V°132.2-R°133.1  
Act
Date: 1454-10-30

Transcription

2019-02-20 by Jan Boncquet
It(em) alsoe voir den raide vand(er) stad come(n) zijn stas van/
troengniez en(de) jouffr(ouw) [vacat] zijn wijf deen zijde en(de)/
wout(er) va(n) vertrijke in dande(re) aldaer de voirs(creven) van/
troengniez op dede(n) dat de voirs(creven) wout(er) bij machte/
va(n) eene(n) beleyde dat hij hadde op hue(r) goede hen/
de selve hue(r) goede v(er)cocht hadde en(de) groete so(m)me(n)/
va(n) pe(n)ni(n)gen daer af getoge(n) die veel meer gedroege(n)/
dan tghene daer in zij va(n) besceyts wege(n) ten voirs(creven)/
wout(er) wert mochte(n) zijn gehoude(n) Versueken(de) midts dien/
dat hen daer af bewijs en(de) rekeni(n)ge mochte gescien/
en(de) dat zij alsoe tvoirs(creven) beleyt in hue(re)n hande(n) mochte(n)/
gecrige(n) Daer jege(n) de voirs(creven) wout(er) seide dat hij tot/
div(er)sen stonde(n) en(de) plaetse(n) voir de(n) voirs(creven) stasse borge/
wae(r) gebleve(n) en(de) alsoe groete so(m)me(n) va(n) principale(n)/
pachte vroentcoste en(de) ande(r) laste(n) gelede(n) hadde(n) de welcke/
hij hem gepijnt hadde te v(er)reycke(n) aende voirs(creven) goeden/
bij machte va(n)d(en) voirs(creven) beleyde gelijc hij wael doen/
mochte niet mi(n) seggende ten slote dat nae alle de/
hanteri(n)ge die hij vand(en) goede(n) mocht hebbe(n) gehadt/
een uut(er)like rekeni(n)ge tussche(n) den voirs(creven) stasse en(de) zijne(n)/
wive wae(r) gemaect ten p(rese)ncien van goede(n) manne(n) Alsoe
//
dat doen bevonde(n) wert alle gebreck ontfanc [en(de)] uutgeve(n)/
gerekent de voirs(creven) stas den voirs(creven) wout(er) tacht(er) bleef xxx/
rijnsche gulden(en) die welcke hij hem bewijse(n) soude/
in lijfrinte(n) teene(n) zeke(re)n dage oft hem de pe(n)ni(n)ge betale(n)/
Es ten uut(er)sten get(er)mineert aengehoert alle tghene des/
beyde de p(ar)tien hebbe(n) wille(n) seggen en(de) oic thoenisse/
aenclevende der voirs(creven) rekeni(n)gen dat de voirs(creven) stas/
den voirs(creven) wout(ere)n voir wet te loven(en) vesticheit doen/
sal van iii rijnsche gulden(en) lijftochte(n) op zeke(re) pande/
onder ha(n)nut geleg(en) ten prijse vand(en) vynders va(n)d(en)/
hove daer voe(r) goetgenouch zijnde en(de) dat midts/
dien de voirs(creven) wout(er) hen ov(er)geve(n) sal de scepen(en) brieve/
die hij op hen en(de) hue(re)n goede(n) spreken(de) heeft Actu(m)/
in pleno consilio xxix nove(m)br(is) oct(obris) p(e)n(u)lt(ima)
Contributorskristiaan magnus
Moderated bykristiaan magnus
Last update: 2016-10-19 by Xavier Delacourt