It(em) alsoe als amelrijck de wechte(r) op hede(n) voe(r) meye(r) en(de) scepen(en) va(n) loeven(en)/ aengesproken heeft lodewijck de waersege(r) van die(n) dat de selve lodewijc/ hem tande(re)n tijden v(er)cocht soude hebben de ca(m)me(r) gehete(n) de(n) temps gelege(n)/ inde ledigestrate aende plattijnm(er)ct en(de) die gewara(n)deert drie rijd(er)s luttel/ myn oft meer erflijc t(er) goeder rekenynge(n) dan daer uut ghinge vanden/ welke(n) de selve amelrijck richtinge en(de) voldoenynge beg(er)de Ende/ de voirs(creven) lodewijc hem hier op v(er)antw(er)t heeft meynende bij alreha(n)de(n)/ reden(en) inde selve richtinge niet gehoude(n) te wesen v(er)cleren(de) seke(r) redelich(eit)/ en(de) c(ir)constancie(n) biden welke(n) hij hoepte dat genoech bleke en(de) oppe(n)baer/ wae(r) dat de voirs(creven) waerscap die inesscreve(n) mocht sijn bij sijnder simpelh(eit)/ drie rijd(er)s hoege(r) gestaen soude hebbe(n) nae gelegenth(eit) der comescap/ die hij v(er)haelde en(de) anders Soe hebbe(n) de hee(re)n tscepen(en) va(n) loeve(n)/ hier op gemaent vande(n) meye(r) nae aensprake [en(de)] v(er)antw(er)de(n) van/ beyden p(ar)tije(n) dese sake met hue(re)n vo(n)nisse gesedt ind(er) stad hande/ en(de) tott(er) stad t(er)minacie(n) p(rese)nt(ibus) o(mn)ib(us) scab(inis) fe(bruarii) xiiii[a]