Item tvo(n)nisse vanden gedinghe dat hynck voer meye(r) en(de) scepen(en) van loven(en)/ tusschen henr(ic) van ruysbroec als geleit totten goeden jans vanden hove/ sone wilen arnts in deen zijde ende de heyligheestmeesters van hulden/ berghe in dande(r) alse van eenen mudde corens erflijc die de vors(creven) heyli/ ghegheestmeest(er)s vand(er) vors(creven) tafelen weghen yesschen aen en(de) op een half/ boend(er) lants gelegen te huldenberghe boven dijsschaghe tusschen de goede/ jans hays ende jans wilen vanden nuwenhove welken pacht de vors(creven)/ henric ontkynde nochtan dat de vors(creven) aenleggers dair af zeker/ bescheit bijleiden van bueken behout en(de) anders Wert ghewijst bijden/ he(re)n schepen(en) va(n) loven(en) ter manissen smeyers dat zij met hue(re)n vo(n)nisse/ setten beyde de p(ar)tien inden hoff dair de goede hoefden vort recht/ te geven en(de) te nemen p(rese)ntib(us) o(mn)ib(us) scabinis dempto lynt(re) ap(ri)lis xvii