Item also zeke(r) questie voe(r) den raide vander stat comen es tusschen lodewijcke/ den waersegere in deen zijde ende amelrijc de wechte(r) briede(r) in dande(r)/ alse vander coepmenscap vanden huyse oft bruca(m)men geheten den theems/ met hue(re)r toebehoerten gelegen inde parijsstrate de welke de vors(creven) amelr(ijc)/ tegen den vors(creven) lodewijke hadde genomen op eenen seke(re)n jaerliken erfchijs/ alsoe de guedinge d(air) aff gedaen zijnde begrijpt In welker guedinghen/ de vors(creven) lodewijc met zijnen wijve den vors(creven) amelr(ijc) geloefte van/ genoechdoene en(de) warantdeerscape hadden gedaen en(de) ter/ meerder sekerheit d(er) selver warandeerscap den chijs die zij opde/ selve ca(m)me hadden behouden tond(er)pande gesedt boven en(de) in (con)trarien/ van welker warandeerscap de vors(creven) amelric seyde dat hij zeke(re)n/ chijs opde vors(creven) goede hadde bevonden die hij begheerde dat hem/ vanden selven gehuysschen worde afgedaen Dwelc de vors(creven) gehuyssch(en)/ niet doen en wouden noch sculdich en wae(re)n te doene also zij/ hoepten want al mocht versuempt zijn den chijs geheel inde(n)/ warandeerscap genoempt te zijne soe was nochtan de coep/ manscap gedaen op xv rijd(er)s tsjaers ende en hadde de vorscr(even)/ amelrijc nochtan noeyt meer dan drie rijd(er)s dair aff affge/ leeght noch en soude ny(m)mermeer connen bewijsen meer dair/ aff gegeven te hebben Dair op de vors(creven) amelrijc ten uut(er)sten/ r(e)pliceerde ende kynde genoech de vors(creven) coepmanscap also gedaen en(de)/ niet meer afgeleeght te hebben maer meynde dat hem die/ oude voir uutgaende chijse souden worden afgedaen alsoe v(er)re tgebre(c)/ zijnder warantscap gedroege al mocht soe zijn dat hij hen/ van dier quoten de renten sculdich wae(r) die hij den pe(n)ninc te/ xviii te zijnd(er) moeyten soude mogen afleggen So was hier op/ ten uutersten na reden(en) van p(ar)tien overdragen bijden raide vander/ stat voe(r) reden(en) en(de) recht dat de vors(creven) lodewijc den vors(creven) amelrijke/ opleggen sal oft anders (con)tente(re)n van des de tchijse ind(en) vors(creven) warand(eerscap)/ gebreken(de) te xii rijd(er)s tsjaers te meerde(re)n laste mooten worden/ gequijt dan elken pe(n)ninc xviii ter goed(er) rekeni(n)ge ende dair/ mede gestaen p(rese)ntib(us) roel(ofs) prijke(r) burg(imagist)[ris] et plurib(us) al(iis) ap(ri)lis/ xvi