It(em) willem myelijs sone wile(n) willems woenen(de) te houdert/ in p(rese)ncia heeft genome(n) en(de) bekint dat hij genome(n) heeft van/ reynere(n) vand(er) riviere(n) gehete(n) daneels sijn hoff te boxele gelege(n)/ te houdert met alle(n) de(n) wy(n)nende lande d(air) toebehoirende Te/ houde(n) te hebben en(de) te wynne(n) van de(n) dage van ghiste(re)n [uutgangc ap(ri)lis naestcomen(de)] eene(n) t(er)mijn/ va(n) nege(n) jare(n) langk v(er)volgende elx jaers darenbynne(n) voir/ ende om de helicht va(n) allen de(n) vruchte(n) d(air) op wassende met/(con)dicien soe wa(n)neer de vruchte(n) d(air) af tijtveerdich [en(de) gevelt] zijn dat de voirs(creven)/ reyne(r) aldair come(n) oft synde(n) sal alst he(m) de voirs(creven) wy(n)ne gelijc hij/ dat sculd(ich) is te doene gecundicht heeft om de vruchte(n) voirs(creven)/ op de goede te deylen half en(de) half en(de) alss die gedeylt sijn/ sal de voirs(creven) wy(n)ne des voirs(creven) reyne(re)n helicht oplade(n) en(de) vue(re)n/ in des voirs(creven) reyners schue(r) bynnen de(n) hove voirs(creven) voir en(de) eer/ hij tsijne sal moege(n) vuere(n) en(de) de voirs(creven) reyne(r) sal zijn helicht/ doen dorsscen op zijne(n) last mair alst gedorssce(n) is so sal de voirs(creven)/ wy(n)ne de vruchte(n) d(air) vuere(n) op ii mile(n) na de(n) hove voirs(creven) dairt/ de(n) voirs(creven) reyne(r) gelieve(n) sal des sal de voirs(creven) wy(n)ne d(air) af/ hebben tcaf en(de) tstroe Item sal de voirs(creven) wy(n)ne noch hebbe(n)/ de(n) voirs(creven) t(er)mijn duerende de weyde vande(n) bossche(n) de(r) voirs(creven) reyne(r)/ en(de) de voirs(creven) hove va(n) boxele toebehoiren(de) soe v(er)re die d(air) binne(n)/ de(n) bijvange vande(n) selve(n) hove gelege(n) sijn jairlijcx om twee guld(en)/ rijd(er)s mo(leva)[te] oft de w(er)de d(air) af alle jae(re) ts(in)te kers[m(er)tens]misse te betale(n)/ q(u)[o]l(ibet) ass(ecutu)[m] It(em) is vorwerde dat de voirs(creven) wy(n)ne te(n) seste(n) jare/ sceyde(n) mach op dat he(m) gelieft bij also dat hijt de(n) voirs(creven)/ reyne(r) i jaer te voe(re)n cundige It(em) de voirs(creven) wynne en sal op/ de voirs(creven) bossche gheen coeye noch scape late(n) gaen noch houde(n)/ voir dat de sprute(n) drie jaer out sijn en(de) en sal d(air) gheen/ hout houwe(n) moege(n) dan om de(n) vrede te maken It(em) sal de/ voirs(creven) wynne hebbe(n) half dooft ald(air) wassende des sal hij des/ voirs(creven) reyners deel op zijne(n) cost t(er)eerde(n) leve(re)n en(de) vuere(n)/ binne(n) de(n) hove voirs(creven) met zijne(n) deele It(em) sal de voirs(creven) wy(n)ne/ de huysinge vande(n) hovde voirs(creven) houde(n) wel en(de) loflijc vand(en)/ underster rijkele(n) ned(er)w(er)t op zijne(n) cost en(de) jaerlijcx binne(n) de(n)/ voirs(creven) hove leve(re)n iii[c] walme(re) om de huysinge vande(n) hove/ mede te houden uutgesceyde(n) int yerste jaer en sal hij niet/ meer dan c walme(re)n leve(re)n It(em) de voirs(creven) wynne sal de voirs(creven)
//
wy(n)ne(n) w(er)ve(n) en(de) meste(n) wel ge loflijc zijne(n) t(er)mijn dueren(de) gelijc reengenote(n) bove(n) en(de)/ benede(n) te weten(e) dwint(er) core(n) op iiii getidege vore(n) en(de) tsom(er)core(n) op iii vore(n) mair/ alle jae(re) sal hij meste(n) i boend(er) te som(er)core(n) en(de) hij sal sayen de(n) voirs(creven) reyne(re)n jaerlijcx/ i halst(er) lijnzaets d(air)t [reynere(n)] he(m) gelieft [ter reyners coste] en(de) dat wel d(air)toe bereyde(n) en(de) oft de(n) selve(n) wy(n)ne/ gelieft so mach hij voir he(m) selve(n) jaerlijcx oec sayen ii halst(er) lijnsaets en(de) te(r) uutganc/ vande(n) t(er)mijne sal de wy(n)ne de messie late(n) vol sond(er) uutvuere(n) gelijc hij die make(n) sal/ en(de) hij sal late(n) de(n) rogge [art] besayt also hijte(r) vint en(de) oft hijs meer besayde so sal hij/ d(air) af hebbe(n) na helicht wy(n)ni(n)ge en(de) soden som(er)aert sal besayt late(n) mair dit yerste/ jaer sal reyne(r) de(n) somersaet leve(re)n uutgesceyde(n) erwete(n) en(de) bone(n) en(de) eist dat/ de voirs(creven) willem jaerlijcx voir he(m) beg(er)t te saye(n) stoppel rape(n) dat mach hij doen/ tot i eene(n) halve(n) dach(mael) en(de) niet meer It(em) de voirs(creven) wy(n)ne sal jaerlijcx sculd(ich)/ zijn de evene uute(n) goede(n) gaende als he(m) de voirs(creven) reyne(r) die levert te vuere(n)/ d(air) me(n) die sculd(ich) is It(em) is vorwerde dat de voirs(creven) reyne(r) binne(n) hde(n) hove voirs(creven)/ sal doen make(n) eene(n) oven en(de) d(air) toe sal de wy(n)ne de stoffe hale(n) d(air) me(n) he(m) die wise(n)/ sal en(de) de voirs(creven) [reyne(r)] sal tussce(n) dit en(de) oechst naestcomen(de) doen make(n) i schue(r) It(em)/ de voirs(creven) wynne [reyne(r)] sal te hemw(er)t behouwe(n) alst he(m) gelieft thoefke(n) acht(er) de/ schuere en(de) thocxke(n) acht(er) dwouwerke(n) en(de) reyne(r) sal d(air) een grecht doen/ maken tusscen henr(ick) beys en(de) arde colen als de(n) voirs(creven) wy(n)ne gelieft It(em) sal/ de voirs(creven) wy(n)ne moege(n) maye(n) de wee op alle de bossche te boxlair uutge/ sceyden omtrint i(½) boend(er) tussce(n) ja(n) colen en(de) de slinxhoeve die de wy(n)ne reyne(r) behoude(n) sal/ It(em) is vorwerde dat de wy(n)ne jaerlijcx alse de goede gemest sijn en(de) bereet/ te sayen de(n) voirs(creven) reyne(r) dat cundige(n) sal eer hij se sayt En(de) de voirs(creven) wyn/ sal dit hof jaer den hof acht(er) den tvoirs(creven) wynhoff sette(n) met erwete(n) en(de)/ boone(n) It(em) wa(n)t de voirs(creven) reyne(r) aden voirs(creven) wy(n)ne gedaen heeft ii p(er)de/ een eechde en(de) i ploech mette(n) toebehoirte(n) so sal de voirs(creven) wynne/ de(n) voirs(creven) reyne(r) d(air) voe(r) betale(n) x pet(er)s te wete(n) ii pet(er)s d(air) af/ te kers(misse) naestcomen(de) en(de) also voirt alle jae(re) te kers(misse) ii pet(er)s tot dat/ betaelt is q(u)[o]l(ibet) as(secutu)[m] It(em) tes vorw(er)de dat de voirs(creven) reyne(r) de(n) voirs(creven)/ wynne leve(re)n sal tussce(n) dit en(de) sint jans(misse) naestcomen(de) een cudde va(n)/ l schape(n) die de wy(n)ne houde(n) en(de) vuede(n) sal en(de) die deylen te drie/ jare(n) half en(de) half en(de) oft d(air) uut e(n)nige gedaen worde(n) dat p(ro)fijt/ selen zij half en(de) half deylen(e) It(em) sal de wy(n)ne de(n) vre vande(n) goede(n) houden wel en(de) loflijc alst dat behoirt en(de) alst hij d(air) toe loeke behoeft sal hij/ dien neme(n) op de voirs(creven) goede t(er) my(n)st(er) scade(n) uutgesceyde(n) aende heyde/ en(de) de oeyestrate als de voirs(creven) reyne(r) d(air) houdt sal hij de grechte/ ald(air) grave(n) en(de) v(er)heffen It(em) waert also dat de(n) voirs(creven) wy(n)ne e(n)nige(n) laste/ oft scade toeq(ua)me uut ocsuyne van laste uute(r) voirs(creven) goede(n) gaende so/ is vorw(er)de dat de voirs(creven) reyne(r) he(m) d(air) af ontlaste(n) sal en(de) alle dese (et)c(etera)/ roelants abs(oloen) ap(ri)lis xxiiii