Item stas en(de) reyne(r) zillen gebruede(re)n in p(rese)ncia hebben genome(n) tegen/ meester janne colen hebben(de) hier toe volcomen procuracie de groote/ en(de) cleyne thiende gelegen te ned(er)lynte(r) toebehoe(re)nde der nuwer/ cap(it)len van sinte peters te loven(en) Te houden en(de) te hebben en(de) te/ gebruyken van sint jansmesse baptisten dat was int jaer xiiii[c]/ liiii eenen t(er)mijn van vi jae(re)n lanc eemp(ar)lijc achtervolgen(de) Elx jaers/ om en(de) vore twee hondert guld(en) peters te xviii st(uvers) tstuc te vier/ termijnen vallen(de) te weten te dyerste vierendel ingaende naden/ vors(creven) sint jansmesse te paesschen dander vierendel tsint jacops/ dage tderde vierendel tsinte remeys messe en(de) tvierde vierendel/ te kersmesse jarlicx te betalen en(de) inden wissel d(er) stat va(n) loven(en)/ te leve(re)n meeste(re)n janne van gronselt bauldewijne henricx/ janne stockelpot doctoe(re)n en(de) meester janne colen voirs(creven)/ oft den eenen van hen bringer des briefs en(de) telken t(er)mijne/ als vervolghde schout Ende es vorweerde gevielt soe/ dat god verhueden moet dat de vors(creven) thiendene(re)n/ aende vors(creven) thyenden e(n)nige scade leden van tempeesten/ oft gemeynen orlooghe datmen hen die stade gelijc/ ande(re) w thiende(re)n bove(n) en(de) beneden afcortten sal Ende dese/ vors(creven) vorw(er)den (et)c(etera) smacht lynte(r) junii p(ri)ma Sen(tentiatum) beert m(er)cels/ oct(obris) iiii a(nn)[o] lvi