It(em) tvonnisse vande(n) gedinge dat voe(r) meye(r) en(de) scepen(en) van loeve(n) geweest is tussche(n)/ katheline(n) van loen in deen zijde en(de) janne vander hosstad die nae der stad/ recht va(n) loeve(n) beleyt is totte(n) goede(n) reyners va(n) duerne swag(er)s des voirs(creven)/ katheline(n) [en(de) zijnre kijndre] in dande(r) alse van seke(re)n goeden gelege(n) te vande [hove] den voirs(creven) p(ar)tien/ verstorve(n) van hue(re)n ouders Daer af de voirs(creven) kat(heline) claeghde dat huer/ de voirs(creven) jan ongebruyck dede met sijne(n) beleyde bove(n) seke(re) deylinge huer/ biden voirs(creven) hue(re)n swag(er) bekent inde banck d(air) onder de goede sijn gelege(n)/ acht(er)volgen(de) welk(er) deylinge(n) de voirs(creven) katheline scheidinge en(de) deylinge beg(er)de/ en(de) paelinge nae der banck recht vande(n) welke(n) de voirs(creven) jan meyteneerde/ de co(n)trar(ie) en(de) hoepte dat die deylinge bide(n) voirs(creven) reyne(re)n gedaen die/ zeder zijne(n) beleyde was geschiet hem noch sijne(n) scepen(en) brieve(n) gheen/ hynder doen en mochte Maer p(rese)nteerde mette(n) voirs(creven) sijne(n) beleyde tott(er)/ voirs(creven) deylinge(n) te v(er)staen en(de) voert tott(er) palinge(n) als recht en(de) daer mede/ hoepte hij te gestaen Was gewijst met dese(n) woirde(n) nae aensp(ra)ke en(de)/ v(er)antw(er)de(n) van beyde(n) p(ar)tije(n) dat de voirs(creven) jan vander hofstad met sijnder/ p(rese)ntac(ien) gestaen soude p(rese)nt(ibus) o(mn)ib(us) scab(inis) ap[(rilis)] xxvii