Item jan [de] lis sone reyners [de] lis en(de) jan da(m)moede sone wilen peters/ woenen(de) te graven in p(rese)ncia hebben genomen en(de) bekint dat zij/ genomen hebben tegen gielise pollart van wegen vruwe marie/ van bolant vruwe van seneffe alle alsulke wynnen(de) lande hove/ en(de) beempde ale de vors(creven) vruwe marie te graven en(de) dair/ omtrent liggen(de) heeft Te houden te hebben en(de) te wynnen van/ inganc meye naestcomen(de) eenen termijn van xii jae(re)n lanck/ deen na dande(r) sond(er) middel vervolgen(de) Elx jairs dae(re)nbynne(n)/ om en(de) voir xxiii mudden rox goet en(de) payabel d(er) maten van/ loven(en) met wanne en(de) vede(re)n wel bereit tsinte andries/ messe apostels te betalen en(de) te grave(n) [opden solde(r)] te leve(re)n der vors(creven) vruwe/ marien gielijse en(de) gielijs pollart zijnen neve aut alt(er)i q(uo)lib(et)/ ass(ecutu)[m] En(de) is vorweerde dat de vors(creven) wynne de vors(creven)/ lande den vors(creven) termijn due(re)nde jairlix wynnen werven en(de)/ mesten [sulle(n)] gelijc reengenoeten boven en(de) beneden ten behoirliken/ tijde Item en sullen de vors(creven) wynne de vors(creven) goede den vorscr(even)/ termijn lanc due(re)nde nyeman(de) anders vorts mogen uutgeven/ sond(er) (con)sent der vors(creven) p(er)sone Item zullen de vors(creven) wynne allet/ stroe vanden vors(creven) goeden comen(de) bekeren ten mesten en(de) dat al/ vue(re)n opde vors(creven) lande tslants meesten proffite Item zullen de/ vors(creven) wynnen(de) ten uutgane van hue(re)n termijne de vors(creven) goede/ te weten(e) de lande en(de) de hove laten besayet [wel en(de) loflijc] met rogge en(de)/ met even(en) en(de) [de brake gewo(n)ne(n)] oic met alrehande cleyne vruchte(n) als erwete(n)/

bonen en(de) vetsen gelijc reengenoeten boven en(de) beneden Item zulle(n)/ de vors(creven) wynne te graven op hue(re)n cost der vors(creven) vruwe(n) leve(re)n/ slot vast hue(re)n termijn due(re)nde eene(n) coren zulder om/ de vors(creven) graine op te leggen Item zullen de vors(creven) wynnen der/ vors(creven) m(ijn) vruwen dieners die om als zij te hue(re)n huys come(n)/ moete(n) om betalinge te hebben [oft anderssins der pechtingen aengaende] hue(re)n montcost gheve(n) en(de) den/ p(er)den hue(re)n cost Item zullen de vors(creven) wynne alle de dijke/ grebben en(de) grechten vanden vors(creven) goeden zhue(re)n t(er)mijn lanc due(re)nde/ houden in goeden state op hue(re)n cost Item sal de vors(creven) vruwe marie/ jairlix den vors(creven) t(er)mijn due(re)nde [beide] den vors(creven) wynne(n) [tsame(n)] gheven vier/ elken wollens lakens gelijc zij hue(re)n huysgesynne geve(n) sal/ Item heeft de vors(creven) gielijs gelooft den vors(creven) wynne den/ vors(creven) termijn lanc due(re)nde te houden vredelic en(de) [te] doen [houde] inde/ vors(creven) goede en(de) hen d(air) af warant te zijne En(de) alle is vort/ tusschen den vors(creven) janne lis en(de) janne da(m)moede ond(er)sproken en(de)/ hebben malcande(re)n gelooft wart dat deen van hen voir tgebrec/ des and(er)s helicht gepraempt wordde en(de) scade lede(n) dat zij/ malcande(re)n die scade oprichte(n) zullen als vervolghde schout/ En(de) alle dese vorweerde(n) (et)c(etera) abs(oloens) sampsoen oct(obris) xxix