It(em) want coenrart de keyser op hede(n) hadde doen instane(n) ja(n)ne va(n) opberghen/ die hem aen zeke(re) goede gelegen tot ossele en(de) d(air) omtrint dair inne de vors(creven)/ coenrart met scepen(en) brieve(n) va(n) lov(en) bekint bij wile(n) ja(n)ne vander hagen/ gegoet en(de) geeerft es ongebruyc dede vand(en) welke(n) den dach van rechte/ op hede(n) diende aldair de vors(creven) van opberghe niet come(n) en es den vors(creven)/ coenrarde srechts verwachten(de) Soe es gewijst met vo(n)nisse d(er) scepen(en) va(n)/ loven(en) datme(n) den vors(creven) coenrarde vand(en) selve(n) goede(n) houd(en) sal in sijnd(er)/ guedingen also v(er)re alst noch voir scepen(en) comen es p(rese)ntib(us) om(n)ib(us) scabinis/o nove(m)br(is) v[ta]